Säämi |

Riehtioppâ kiäsut taam säminuorâ - “Motomeh eteh, ete jyehi sämmilâš kolgâččij luuhâđ lahâčeppin, ete piergee elimist”

Tavemus saje Suomâst kost puáhtá luuhâđ riehtioopâ, lii Laapi ollâopâttâh.

Martta Alajärvi pennuinis tube-videost
Martta Alajärvi já suu peenuv. Govva: Martta Alajärvi / Youtube

Martta Alajärvi ij vyelgi innig jyehi oholoopâ Roipparin, ko tääl peerust eenâb luhâmist já kuursâin. Sun lii kuittâg tuđâvâš ko lii peesâm uápásmuđ uđđâ ulmuid. Sun muštâl, ete stuárráámus uási uáppein láá maadâ-Suomâst.

– Mij lep muádis kiäh lep Laapi kuávlust já tobbeen škoovlâst ko mist lijjii motomeh juávkkupargoh, te toh imâštâllii nuuvtgo “Wau mon suotâs teivâđ!”, ete mij lep eksootliih kiäh lep tääbbin meddâl, muštâl Alajärvi.

Sun vázzá škoovlâ Laapi ollâopâttuvvâst.

– Must álgá tääl nubbe ihe tääbbin ollâopâttuvvâst riehtioopâ peln, ete moonnâm čoovčâ algâttim já lii lamaš uáli suotâs. Lii hävskis syergi, puávtám kale avžuuttiđ, muštâl Alajärvi.

– Motomeh eteh, ete jyehi sämmilâš kolgâččij luuhâđ lahâčeppin, ete piergee elimist, sun povvust.

Magareh toh juuriist uápuh talle tuođâi láá?

– Kale tot lii hirmâd ennuv ohtuunis pargo, ete ferttee čokkáđ já luuhâđ. Ton tááhust lii lussâd, mutâ nube tááhust tot lii uáli rijjâ já uážžu jieš sundáttâllâđ äigitaavvâl.

– Mij ep máttááttâl olgoold laavâ, ko tom maht tom ferttee tulkkuđ, muštoot Alajärvi.

Enâmustáá Alajärvi lijkkuu juávkkupargoin, moin sij ferttejeh čuávdiđ mottoom riehti ääši. Suomâst kuittâg iä lah nuuvt ennuv keevâtliih hárjuttâsah, ko eres enâmijn. Alajärvi nommâd, ete ovdâmerkkân Amerikast uápuh láá enâmustáá keevâtliih hárjuttâsah.

– Mij tääbbin Suomâst eenâb luuhâđ maht toh laavah maneh. Muu mielâst puoh pyeremuuh liččii keevâtliih hárjuttâsah, juurdâš Alajärvi.

Video: median oletuskuva, musta laatikko
Kuldâl Martta saavâid Jottee Radiost

Riehtioopâ puáhtá luuhâđ:

  • Helsig ollâopâttuvvâst
  • Nuorttâ-Suomâ ollâopâttuvvâst
  • Laapi ollâopâttuvvâst
  • Turku ollâopâttuvvâst

Varrasamosat: Säämi

Váldoođđasat

Varrasamosat

Muualla Yle.fi:ssä