Sápmi |

Ruoŧŧelaš Nordea báŋku ruhtada Davvi-Dakota oljobohcci

Ruoŧa báŋkkut leat investeren bealle miljárdda ruvnno fitnodahkii mii lea hukseme dán olu ságastahttán oljobohcci, muitala Dagens Industri sin neahtasiidduin. Nordea oassi lea 360 miljovnna ruvnnu.

Nordean logo
Govva: Mikko Stig / Lehtikuva

Amerihkálaš eamiálbmogat leat vuostálastan oljobohcci huksema olles čavčča. Miellačájáhusaid leat doallan Standing Rock Sioux -reserváhtas Davvi-Dakotas USA:s. Oljobohcci galggašii mannat sin guovllu čađa.

Dat nu gohčoduvvon Dakota Access Pipeline lea meroštallon máksit 3,3 miljárdda euro ja galggašii rasttildit njeallje oassestáhta.

Eamiálbmogat ballet oljobohcci bilidit čázi

Davvi-Dakota oljobohcci lea plánejuvvon mannat guovllu indiánareserváhta váldočáhcegáldu vuolde. Eamiálbmogat balletge ahte oljobohcci bilida čázi mii guovllus lea. Prošeavtta vuostálastet garrasit, ja miellačájáhusat leat jođus nu báikki alde go interneahtas sosiála mediasge.

Báikki ala leat boahtán olbmot 500 sierra eamiálbmotčearddas. Standing Rockas leamašan maiddái veahkaválddálašvuođat gaskal bolesiid ja čázivárjaleaddjiid.

Varrasamosat: Sápmi

Váldoođđasat

Varrasamosat

Muualla Yle.fi:ssä