Sápmi |

Ruoššaluosa meađđemat njulgestaga duldejit go vehá roggala Deanu botni – Luondduriggodatguovddáš lea dutkagoahtán ruoššaluosaid lassáneami

Ruoššaluossa lea ođđa šládja Deanus ja dál hálidit diehtit das buot maid sáhttá, muitalit Luondduriggodatguovddážis.

Video: kyttyrälohen mätiä
Luondduriggodatguovddáš lea čoaggán ruoššaluosa meađđemiid lihttái. Sii čuvvot mo veajehat sturrot ja man olu dain báhcet eallit. Video: Anneli Lappalainen / Yle

Guokte albmá gálliba Deanus ohcamin ruoššaluosaid meađđemiid. Luondduriggodatguovddáš Suomas lea álgán dutkat ruoššaluosaid gođu ja lassáneami Deanus.

Jogas čogget meađđemiid lihttái ja čuvvot mo veajehat sturrot ja man olu dain báhcet eallit.

– Gal doppe gávdnojit olu gođđubáikkit, ii dárbbaš gallii gáffalgoaivuin rokkastit go meađđemat borggihit oidnosii meastaba gokko beare, muitala Luondduriggodatguovddáža áššedovdi Jan-Peter Pohjola.

Ruoššaluossa lea ođđa šládja Deanus ja dál háliditge diehtit das buot maid sáhttá.

– Miinu sivaid ferte leat dasa, ahte ruoššaluossa lea nu sakka lassánan Deanus. Sivva lea vel gávnnakeahttá ja danin mii bargat dán barggu, dadjá Pohjola.

Dákkár dutkamuša eai leat ovdal bargan Deanus, muitala Pohjola. Dutkanbohtosiin sávvet maid čovdosa Deanu boahttevuhtii.

– Dat lea fuolastuhtti ášši, ahte oktage ii dieđe maid boahtteáigi buktá. Mii čielggadat mii lea dáhpáhuvvamin ja vejolaččat bastit joba einnostit mii boahtá dáhpáhuvvat.

Yle Ođđasiid Sámis ja Beaivvi ságaid sáhtát maid guldalit Yle Areenas.

Loga lasi: Suopma ráhkkana ruoššaluosaid čuovvovaš bárrui – eana- ja meahccedoalloministeriija Hakaste: "Dákkár dili ii oktage hálit"

Varrasamosat: Sápmi

Váldoođđasat

Varrasamosat

Muualla Yle.fi:ssä