Sää´mjânnam |

Saakk-kooska Yle Sääʹmjânnmest: Mikkel Näkkäläjärvi juätkk Demarinuoret -õhttõõzz saaǥǥtuõʹlljeejen, Mäʹdd- da meäʹcctäällvälljkåʹdd kõʹllʼje Aanrest da Uʹccjooǥǥâst

Täʹst lie Yle Sääʹmjânnam tän neäʹttel vuõssmõs saakk-kooska.

Inarilainen Mikkel Näkkäläjärvi jatkaa Demarinuorten puheenjohtajana 2018-2020.
Govva: Pekko Korvuo


Mikkel Näkkäläjärvi juätkk Demarinuõri saaǥǥtuõʹlljeejen. Sosiaaldemokraattlaš nuõri õhttõs Demarinuoret valljii eʹpet Näkkäläjärvi jååʹđted demarinuõrid iiʹjji 2018-2020 ääiʹj Näkkäläjärvi vueiʹti vuâstteeʹttǩeejes Leo Sammallahti jiõnin 133-10.

Aanrõš Näkkälärvi lij 27-âkksaž mättʼtõõtti Lappi universiteettâst, tuåimm Ruäʹvnjaarǥ lâʹnnstuuʹrâst da lij še Eurooʹpp vuuʹdi komitea vuässlaž. Son lij tuåimman Demarinuõri saaǥǥjååʹđteejen vueʹssmannust 2016.

Demarinuoret leʹbe Sosiaaldemokraattlaž nuõr lie poliittlaž nuõri organisaatio.

Mäʹdd- da meäʹcctäällvälljkåʹdd kõʹllʼje Aanrest da Uʹccjooǥǥâst tän neäʹttlest

Välljkååʹdd täävtõsân lij tobdstõõttâd Teänjooǥǥ kueʹllšeellmõõžž šiõttsa, mõõn Lääʹddjânnam da Taarr kõskksaž suåppmõš mottji mõõnni eeʹjj. Välljkååʹdd saaǥǥjååʹđteei Anne Kalmari mušttal, što välljkåʹdd haalâd tobdstõõttâd tõid vaikktõõzzid, mâiʹd Teänjooǥǥ suåppmõõžžâst leäi pääiklai jeällma.

Mäʹdd- da meäʹcctäällvälljkåʹdd kõʹllʼje Aanrest da Uʹccjooǥǥâst 12.-3 ǩieʹssmannu. Kalmari lââʹssen määʹtǩest lie mieʹldd Markku Eestilä (kok.), Hanna Halmeenpää (vihr.), Reijo Hongisto (sin.), Susanna Koski (kok.) da Jari Myllykoski (vas.). Mädd- da meäʹcctäällvälljkåʹdd kaunnââtt Uʹccjooǥǥ kååʹdd, turismmsueʹrj põrggsi, vueʹssbieʹli da Teän ǩiiddâlmvuäʹmsteei eeʹttiǩ.

Välljkåʹdd kõʹllʼje še Luke tuʹtǩǩeemsââʹjest da vuässââtt Meäʹcchalltõõzz, sääʹmteeʹǧǧ, saaʹmi siidsåbbar da sääʹmvuuʹd paalǥâskååʹddi eeʹǩǩsaaǥǥtõõllma di tobdstââtt sääʹm muʹzei Siʹjdde.

Pasi Oikarinen valljeeš Uʹccjooǥǥ škooul ođđ rehttrin

Uʹccjooǥǥ rehttor veeʹrja leʹjje õhttsa kolmm ooʒʒi. Uʹccjooǥǥ kådda ååʒʒeš ođđ rehttor mieʹrräigggsaž veeʹrja, ko juʹn ouddâl valljjuum rehttor ij puättam. Uʹccjooǥǥ škooul rehttorveeʹrj oʹʒʒe Pasi Oikarinen, Taru Mäki-Kahma da Hannele Heinonen.

Uʹccjooǥǥ čuõvtemjååʹđteei Laura Arola mušttal što rehttrin puõʹtti lookkâmpâjja valljeeš Pasi Oikarinen da vääʹrren Taru Mäki-Kahma. Valljummuž vuâđđan leäi vuâđđmättʼtõõzz rehttoor ââʹntemvuõtt.

Divvojuvvon 11.6.2018 dii 15.09: Ohcejoga ođđa rektora namma lea divvojuvvon rivttes hápmái

Kolttien perinnetalo
Sääʹmkulttuurneäʹttel alttâd Sääʹm ärʹbbpõõrt äävummuš täʹbbe vuõssâârǥ. Sääʹm ärbbvuõttpõrtt lij äävai čõhččmannu 20. peeiʹv räjja juõʹǩǩ peiʹvv čiâss 10-17. Govva: Sara Wesslin / Yle

Čeʹvetjääuʹr da Njeäʹllem siidi pirrõõzz lie tiudd šõddmõõzz Sääʹmkulttuurneäʹttlest

Sääʹmkulttuurneäʹttel äʹlǧǧe täʹbbe vuõssâârǥ Čeʹvetjääuʹret. Ärbbvuõđlaž sääʹmkultturneäʹttel vieʹttjed jeeʹresnallšem šõddmõõzzivuiʹm Čeʹvetjääuʹrest da Njeäʹllmest ǩieʹssmannu 21. peeiʹv räjja.

Sääʹmkultturneäʹttel ääiʹj sääʹmsiidin lij vueiʹtlvaž tobdstõõttâd nuõrttsäʹmmlai ärbbvuõđid mâʹte kaʹdrel siõrre, nuâttmõʹšše da saaʹmi ǩiõtt-tuâjaid. Sääʹmkultturneäʹttel riâšše Sääʹmkultturfondd da sääʹmvuuʹdškooultemkõõskõõzz nuõrttsääʹm ǩiõl mättʼtõõđi. Puk šõddmõõzzid vuäitt vuässʼsõõttâd däära.

Lookkâmsilttõs -ǩeâlbin haaʹleet loŋŋted nuõrttsäʹmmlaid ǩeeʹrjted jiijj ǩiõʹlle

Nuõrttsääʹmkulttuurfondd reäšš nuõrttsääʹmǩiõllsaž Lookkâmsilttõs -ǩeâlb. Lookkâmsilttõs -ǩeâlb ǩeeʹrjtõõzzi täävtõsân lij kaunnâd nuõrttsääʹmǩiõllsaž ǩeeʹrjteei da puʹhtted ouʹdde ođđ nuõrttsääʹmǩiõllsaž päärnai da nuõri ǩeeʹrjid.

Täävtõsân lij vuäǯǯad ođđ, ânnʼjõžäiggsaž teeʹkstid, mõiʹd Nuõrttsääʹmkulttuurfondd čõõđat kärttuum ǩeʹrjjen.

– Täävtõsân lij puʹhtted ođđ nuõrttsääʹmǩiõllsaž ǩeeʹrjid päärnai da nuõri vääras prääʹzniǩeeʹjj 2019 ääiʹj. Vääžnai täävtõs lij tõt še, što nuõrttsäʹmmla äälǥče ǩeeʹrjted ǩeeʹrjid jiiʹjjes jieʹnnǩiõʹlle, sääʹmkultturfoond teâđtõõzzâst ǩeeʹrjtet.

Nuõrttsääʹmkulttuurfondd nõõmâd teeʹksti vääras ärvvtõõllâmjoouk, koozz koʹlle koumm oummu. Vueiʹvväʹššen teeʹkstest lij tõn siiskâž ij-ǥa tõt, što mõõn vuõiʹǧǧest tõt lij ǩeeʹrjtum. Nääiʹt nåkam oummu, kook jie võl silttee nuõrttsääʹmǩiõl vuõiʹǧǧestǩeʹrjjtõõzz kuddnalla, vuäitče še vuässõõttâd. Ǩeeʹrjtemäiʹǧǧ lij 4.6.-30.9.2018 da ǩeeʹrjtemǩeâlbb lij pukid äävai.

Pohttmõõžžid iʹlmmtet 15.12.2018 Čeʹvetjääuʹrest seämma ääiʹj ko jueʹjjet ciistid. Koumm pueʹrmõs mainnâz vuäǯǯa teäʹǧǧciist. Ǩeâlbbteeʹkstid vueiʹtet čõõđted mâʹŋŋlest jeeʹresnallšem õhttvuõđin.

Nuõrttsääʹmkulttuurfondd lij vuäǯǯam veäʹǩǩvuõđ WSOY ǩeʹrjjlažvuõttfoondest ǩeâlb riâššâm vääras.

Teevvam 11.6.2018 čiâss 12:00: Ođđsa lââʹzzteš teâtt mädd- da meäʹcctäällvälljkååʹdd kueʹssreeis pirr.

Varrasamosat: Sää´mjânnam

Váldoođđasat

Bivnnuhamosat

Varrasamosat

Muualla Yle.fi:ssä