Sää´mjânnam |

Sääʹmarkiiv äigg ooccâd sääʹmla Gramota -arkiiv Unesco maailmärbbliʹstte

Sääʹmarkiv äigg čuäʹjted Unesco Memory of the world -prograʹmme 1600-lååǥǥast noorrâm säʹmla Gramota -arkiiv. Unesco maaiʹlm mošttprograammest lij tän pooddast Lääddjannmest pâi õhtt arkiv, Nordeanskiöld kaart Heʹlssen meersažarkiivast.

Kolttasaamelaisten 1600-luvulla kerätty Gramota -arkisto
1600-lååǥǥast noorrâm Gramota-arkiv heiʹvvči puârast Unesco prograʹmme Govva: Saa´mi Nue´tt ry

Sääʹmarkiv äigg čuäʹjted Unesco Memory of the world -prograʹmme säʹmla Gramota -arkiiv. Sääʹmarkiv tuʹǩǩeei Suvi Kivelä miõlast 1600-lååǥǥast noorrâm Gramota-arkiv heiʹvvči puârast Unesco prograʹmme.

- Tõt Unesco maaiʹlm mošttprogramm, koozz mij leäp plaanem čuäʹjted Lääddjannmest sääʹmsiid Gramota -arkiiv, tõt lij nuʹtt-i miârkksõõvvâm ǩeʹrjpõõrtâst da arkiivast leäkku ǩeʹrjjlaž kultturpreedden, särnn Suvi Kivelä.

Unesco maaiʹlm mošttprograammest lij tän pooddast Lääddjannmest pâi õhtt arkiv, Nordeanskiöld kaart Heʹlssen meersažarkiivast. Suvi Kivelä särnn, što Gramota-arkiivprojeektast šõdd veiddsõs projekt.

- Mõnni vueʹssmannust meeʹst leʹjje vuõssmõs sååbbar tän projektast da mij plaanaim, što mij äiggep õõutâst reâuggad sääʹmõhttsažkååʹddin. Mij äiggep puõtti sueʹvet saǥǥstõõllâd Čeʹvetjääuʹrest sämlaivuiʹm Gramota miârktõõzz pirr da koozz tän jååʼʹted.

Gramota õinn tååbdteʹm sääʹmnuõʹrre

1600-lååǥǥast noorrâm Gramota-arkiv käunnʹji väinnääiʹj Suõʹnnʼjelist da vuejtam Lääddjannma meersažarkiiʹve. Ââʹn Gramota käunnʼjed Aanrest Sääʹmarkivast. Tuʹtǩǩeei Suvi Kivelä miõlast Gramota lij kuuitâǥ õinn tååbdteʹm nuõrab sääʹmla da suu miõlast leʹčči vääžnai, što arkiv jeällʼtet oʹđđest.

- Unesco mošttprogramm lij meeʹst õhttsaž täävtõs da lij vääžnai, što mij piâssep meeʹst täävtõʹsse õõutâst. Ââʹn lij še vääžnai, što arkiiv jeällʼted oʹđđest. Ooudmiârkkan leäm fiʹttjam, što nuõʹrre Gramota -arkiv lij kuuitâǥ õinn tååbdteʹm.

Ouddooumaž: Arkivprojeektast leʹčči jõnn miârkktõs sääʹmkulttuuʹre

Ouddooumaž Veikko feodoroff mainsti Njeällma siidsååbbarist pâʹsspeiʹvva, što projekt raajjâd õõutâst Sääʹmarkivan da sääʹmõhttsažkååʹddin. Feodoroff mieʹldd arkivprojeektast leʹčči jõnn miârkktõs sääʹmkulttuuʹre.

- Unesco tuåimm ÕM:ast da raajj vääžnai tueʹjj kulttuur ouʹdde. Näkkam programmast leʹčči tuõđi miârkktõs sääʹmla. Tõt leʹčči cistt, jos sääʹmlaž Gramota -arkiv piâssči Unesco maaiʹlmlisʹtte, särnn Feodoroff.

Sääʹm siidsååbbarist lij saǥǥstõõllâmpodd Gramota -arkivast puõtti sueʹvet Čeʹvetjääuʹrest.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä