Sápmi

Sääʹmest jieʹlli skäʹlǯǯ lij vaarast jaukkâd luâđast –ââʹn skääʹlǯai rääuhlaž jieʹllem peäss seuʹrrjed pirr suutk

Raakkuja Luttojoella.
Skääʹlǯ leʹbe lääddas raakku jieʹlle Sääʹm jooǥǥin, leâša tõt lij tuõʹđi vaarvuâlaž. Govva: Panu Oulasvirta / Alleco Oy

WWF alttii livečuâvvmõõžž vaarvuâlaž skääʹlǯai jieʹllmest.

Låʹttjooǥǥâst lie rijttam jååʹtti juʹn tuuʹl. Tän peeiʹv vuuʹdest jie jiânnai kuâsstje määtkla.

Täin vuuʹdin nuʹt nuõrttsäʹmmla, ko še aanrõõžž lie ooʒʒam jooǥǥi da kolggi vuäjai ǩieʹđji čiõǥǥin skääʹlǯaid. Skääʹlǯai seʹst vuäitt kaunnâd tuõʹđi mooččâd da ärvvsaž peeʹrel.

Ânnʼjõžääiʹjest kuuitâǥ tät jooǥǥi uʹcc peeʹrelraajji lij tuõʹđi vaarvuâlaž obb Tâʹvv-Eurooʹpast. Ââʹn tâʹvvčäʹccõõzzi skääʹlǯaid haaʹleet jeällted.

Meäʹcchalltõõzz SALMUS-projeekt tuʹtǩǩeei čuâvve jokkreeddâst, ko čaaŋŋleei ååcc jooǥǥ pååʹnnest skääʹlǯaid. Tän vuâra tääiʹben jie skääʹlǯ leämmaž, leâša tõid ärvvtõõlât leeʹd måtam veʹrdd Sääʹmjânnmest.

Heikki Erkinaro
Meäʹcchalltõõzz projekttjååʹđteei Heikki Erkinaro. Govva: Vesa Toppari / Yle

Kulddâl mainstâʹttmõš skääʹlǯai pirr Yle Areenast. Yle Sääʹm tuåimteei Sara Wesslin mainstõõđi Mieʹcchalltõõzz Heikki Erkinaro.

Heikki Erkinaro toimittaja Sara Wesslinin haastattelussa Inarin Luttojoella.

Tuʹtǩǩeei taavtõʹssân lij tuʹtǩǩeed skääʹlǯai jieʹllemââʹǩǩ da meʹttee tõi šõddmõõžž.

Skääʹlǯai vaarvuâlažvuõʹtte vaaikat jiânnai oummui tuåim.

– Čääʹʒʒraajjmõš lij vaaiktam nuʹt čaaʹʒʒi sâjja, ko še määddânnmõʹšše. Määŋgin jooǥǥin Lääʹddjânnmest čäʹccõõzzi pååʹnn šlaajj lij ǩeähn, mušttal Heikki Erkinaro.

Ǩiõčč skääʹlǯai tuʹtǩǩummuž pirr video Yle Areenast. Fiʹlmmjem Vesa Toppari da Panu Oulasvirta.

Video: Metsähallituksen tutkijoita kartoittamassa raakkuja.
Suomessa on menossa jokihelmisimpukan eli raakun pelastusprojekti. Haastattelussa Metsähallituksen SALMUS-projektin johtaja Heikki Erkinaro kertoo raakun uhanalaisuudesta.

Skäʹlǯǯlive pääʹlljasm skääʹlǯai čääʹcc vuâllsaž jieʹllem

Lääʹddjânnmest peägtum WWF luâttlive-vuõlttõõzz lie piâzzam mäŋgi oummui televisiooʹje. Ââʹn WWF õhttsažtuâjast SALMUS-projektin alttad ođđ live-čuavvamkääzzkõõzz skääʹlǯai jieʹllmest.

Skääʹlǯai jieʹllem vuäitak seuʹrrjed tän liiŋk pääiʹǩ pirr peeiʹv.

Heikki Erkinaro tuâivv, što skäʹlǯǯ leʹčči õinn tobddvab oummid tän mieʹldd.

– Vuõiggseuʹrrjem oudd miʹjjid tuʹtǩǩeejaid še jiânnai teâđ skääʹlǯai konkreettlaž jieʹllmest. Mij ååskap mõõn-ne diõtt, što skäʹlǯǯ leʹčči passiivlaž jieʹlli, leâša kâʹl tõk liikkee jiânnai.

Varrasamosat

Muualla Yle.fi:ssä