Sápmi

Sääʹmest luâmman lääʹdde muädd neäʹttel ǩeeʹjjest - äʹrbbporrmõščeäʹpp äjšmâtt ǩiõččâd še mueʹrj vuâlla ruõnnsid

Ritva Kytölä poimii hillanlehtiä teejuomaksi.
Govva: Sara Wesslin / Yle

Juʹn alggǩieʹzz rääʹjest njeäʹllemneǩ Ritva Kytölä noorr lueʹmšââddid čee vääras.

Lääʹddjânnmest jieʹlled sõrgg ǩieʹzz õõut šuurmõš ääiʹj. Pirr Lääʹddjânnam mieʹccid da jieʹǧǧid kuâsttai juʹn viõʹlǧǧes rääʹss, mâʹst šâʹdde kåʹllviʹsǩǩes luâmmanmueʹrj.

Tän eeʹjj Lääʹddjânnma vueʹrddet še vââʹllj luâmmnid. Njeäʹllemneǩ äʹrbbporrmõščeäʹpp Ritva Kytölä lij juʹn alggǩieʹzz rääʹjest jååttam dåmmvuuʹd tobddâz lueʹmjieʹǧǧin.

– Ij tõt leäkku kuuitâǥ snäätnai, što luâmmanrääʹss mušttle, što lie måtam vuuʹdest šâddmen jiânnai lueʹm, mušttat Kytölä.

Video: Hillankukkia Nellimissä.
Saaʹmi ärbbvuõttporrmõõžži čeäʹppneǩ Ritva Kytölä mušttal Ylen Aamu -tueʹlesvuõlttõõzzâst mââibaarǥ 23.6.2020, mäʹhtt son âânn šââddid jiijjâs jieʹllmest. Video: Yle Areena

Luâmmnin suäitt leeʹd veâl määŋg vaar ooudâs. Ouddâl ko ååumaž peäss jieʹǧǧest noorrâd, vuäitt Sääʹmest veâl šõŋŋ mottjed leʹbe tiuʹrrpõõʹltummuš ij oʹnnest.

Kytölä lij kuuitâǥ juʹn piâssam naaudšed luâmmnin, ko lij noorram šââdd lõõstid čeeaunnsen. Jo haalâd njääʹljes čee luâttaunnsin, te feʹrttai noorri leeʹd juʹn alggǩieʹzzest aktiivlaž.

– Šââddai lõõst muõrrnjââʹddskuäʹtte, jõs alggǩieʹzz jeät tõid norru. Leâša kâʹl tõid vuäitt ââʹnend jeeʹres sõõʹjin še, mâʹte rååʹp ålggbeälʹnn, mušttal Kytölä.

Varrasamosat

Muualla Yle.fi:ssä