Säämi

Säämi aalmugpeeivi peesah luuhâđ eromâš artikkâl mááccuhist, uáiniđ njuálguvuolgâttâssân tápáduumijn Ucjuuvâst Helsigân já kuldâliđ ubâ Säämi radiovuolgâttâs

Sápmi
Säämi juhlo vuod kuovâmáánu 6. peeivi. Govva: Kevin Francett

Yle Säämi tuáivu puoh keččeidis, lohheidis já kuldâleijeidis vuolgâttiđ nettivuolgâttâs várás kännykrustigáin kovvejum videotiervuođâid!

Aalmugpeivi lii kuovâmáánu 6. peeivi, mii tiäivá taam oho tuorâstâhân.

Yle Säämi fáálá sämmilij peeivi kunnen maaŋgâlágán siskáldâsâi neetist, radiost já tv:st. Aalmugpeivi lii fáddán radiost puoh vuolgâttâsâin, Yle Säämi iđedist tijme 7.00–8.00, Pyeri iiđeed Säämist tijme 8.00–10.00 já Tiervâ! Tiõrv! Tiervâ! -vuolgâttâsâst tijme 14.30–16.00, já tv Yle Uđđâseh Yle TV1:is tijme 15.45. Táválij siskáldâsâi lasseen mij kuittâg faallâp meid maidnii aaibâs uđđâ!

Njuálguvuolgâttâs čáittá tápáduumijd Ucjuuvâst Helsigân – vuolgât jieijâd video tiervuođâid mijjân!

Sámi álbmotbeaivi 2019. / Saamelaisten kansallispäivä 2019.
Maht Säämi áávvud taan aalmugpeeivi? Tom peesah uáiniđ Yle Säämi vuosmuš aalmugpeeivistriimist Govva: Vesa Toppari / Yle

Yle Säämi čáittá aalmugpeiviáávvudmijd vuosmuu häävi historjást njuálguvuolgâttâssân Yle Areenas.

Nettivuolgâttâs álgá tijme 12.00 já pištá suullân 45 minuttid. Tot lii uáinimnáál/uáinimnáálá miätá maailm. Sádda Yle Säämi toimâtteijeeh eereeb iärrás Ucjuuvâst, Anarist, Iänuduvvâst já Helsigist tuálvuh keččeid maaŋgâlágán áávvudmáid, maaŋgâlágán ulmui jurduid. Vuolgâttâs lii uáiviuásist sämikielâlâš.

Taan vuolgâttâsân Yle Säämi tuáivu puoh keččeidis, lohheidis já kuldâleijeidis vuolgâttiđ kännykrustigáin kovvejum videotiervuođâid! Videoi puáhtá vuolgâttiđ Yle Säämi toimâttâsân jo-uv WhatsApp cuvnii numerân +358 40 1909 114, Facebook peht privatistiättun/privatâstiättun teikkâ šleđgâpoostâin čujottâsân säämi.radio@yle.fi.

Muštâl videost aalgâst uánihávt jieijâd pirrâ. Ton maŋa puávtáh ovdâmerkkân ettâđ Sáámán tiervuođâid, muštâliđ jieijâd vuáváámijn aalmugpiäiván teikkâ kuvviđ aalmugpeeivi já sämmilâšvuođâ merhâšume olssâd. Juoigâst, livđuu, láávlu teikkâ luuvâ tiivtâ! Video kukkodâh uážžu leđe 15–30 sekunt. Puávtáh kuvviđ video ovdâmerkkân jieš alnaad. Ij lah merhâšume, maht peelijd toolah kamera.

Videotiervuođah vuolgâttuvvojeh aalmugpeeivi njuálguvuolgâttâsâst. Tiervuođâid puáhtá vuolgâttiđ Yle Sáámán.

Eromâš mááccuhartikkâl

Anárašgákti
Aalmugpeeivi puávtáh luuhâđ mááccuhartikkâlist mainâs eereeb iärrás taan mááccuhist. Govva: Vesa Toppari / Yle

Neetist piäsá aalmugpeeivi luuhâđ eereeb iärrás eromâšartikkâl mááccuhist. Yle Säämi lii puovtâdâm artikkâl oovtâst Yle Mediadeskiin.

Tom piäsá luuhâđ sehe orjâlâš- já suomâkielân, tego tiijmáš aalmugpeiviartikkâl.

Ubâ Säämi eromâšvuolgâttâs

Karen Eira ja Inger-Elle Suoninen.
Säämi aalmugpeivivuolgâttâs jođettává Juhâmohheest Karen Eira já Inger-Elle Suoninen. Govva: Sara Wesslin

Radiost vuolgâttuvvoo aalmugpeeivi meiddei ubâ Säämi eromâšvuolgâttâs. Säämi aalmugpeivivuolgâttâs vuolgâttuvvoo Suomâ ääigi tijme 16.00–18.30.

Vuolgâttâs jođettává Juhâmohe markkânijn Yle Säämi toimâttijjee Inger Elle Suoninen já SR Sameradion toimâttijjee Karen Eira.Vuolgâttâs kuullâp saavâid miätá Säämi.

Säämi aalmugpeivivuolgâttâs tiet Sohkaršohkka vuolgâttuvvoo taan oho tuorâstuv tijme 18.30–21.00.

Varrasamosat

Muualla Yle.fi:ssä