Säämi |

Säämi Muusikakatemia muusikvideoi kuvviimeh joođoost Ucjuuvâst

Säämi máttááttâskuávdáá medialinjá pyevtit videoid SMA:n taan ive jo kuálmád keerdi.

Heli Aikio demonijdiskuin uámi tuuveest. Tánssájeijen Janita Rantanen já Anniina
Veitonmäki.
Heli Aikio demonijdiskuin uámi tuuveest. Tánssájeijen Janita Rantanen já Anniina Veitonmäki. Govva: Aimo Aikio / priivaat kove

Säämi Muusikakatemia uáppei jiejâs sämikielâlâš pitáh uážžuh eidu tääl visuaallâš häämis Ucjuuvâ pirrâsist. Säämi máttááttâskuávdáá medialinjá pyevtit videoid SMA:n taan ive jo kuálmád keerdi. Produktioh láá tehálâš oppâmmáhđulâšvuođah kuohtui linjái uáppeid.

Jurduuh videoi várás láá šoddâm sehe medialinjáást já Muusikakatemiast, mutâ ovdâsvástádâs pyevtitmist já taiđâlâš uáinusist lii medialinjáást. Stivrejeijen videoin toimâv medialinjá nube ive uáppee Heli Valkama já vuosmuu ive uáppee Tomi Lampinen.

SMA uáppee Heli Aikio lii vuosmuu keerdi fáárust muusikvideo rähtimist. Pittá "Válljen" šoodâi oovtâst Pauli SaijetsainMihkku Laitijn.

– Tast láá mii puohâi tobdoh taan lavlust já taat video tuárju pyereest tom mainâs, muštâl Aikio.

Nube video anarâškielâlâš pittá "Italina" vuod lii Aimo AikioNiki Rasmus rähtim.

– Tot lii maainâs taggaar äijihist, kote haalijd váhá nubástus suu elimân, maainâst Aikio.

Pauli Saijets ja olgokuvviimeh.
Pauli Saijets olgokuvviimeh. Govva: Anniina Veitomäki / priivaat kove

Val kiergân kuvviimijd mieldi

Lávurduv kuvviimáid lii vala máhđulâš peessâđ fáárun išedeijen, čaittâliđ tuuriist raavâdviäsun. Kuvvimsaijeen lii Ucjuuvâ puáris hooteel. Ääšist puáhtá väldiđ ohtâvuođâ SMA njunoš máttáátteijei Anna Näkkäläjärvi-Länsmanân. Lasetiäđuh láá SMA Facebook-sijđoin.

Näkkäläjärvi-Länsman muštâl, ete muusikvideoh láá fiäráán lasseen tergâdeh tondiet, et toh pyehtih Muusikakatemia eenâb uáinusân. Pyevtitteijee já västideijee medialinjá máttáátteijee Juha-Antti Heikkinen mielâst tágáreh produktioh fäälih uáppeid šiev tuotâvuođâpargonáál hárjuttâllâmkiedi. Kuohtui linjái mielâst ohtsâšpargo lii toimâm pyereest já tuoivân lii-uv, ete tot jotkuuččij puátteevuođâst še.

Valmâš videoid lii máhđulâš uáiniđ vuosmuu keerdi SMA loppâkonsertijn 15.5. Ucjuuvâ škovlâkuávdáást já 16.5. Anarist Sajosist. Vyesimáánu loopâst muusikvideoh čáittojeh Filbmari čáittusist Aanaar Sajosist, oovtâst SMK medialinjá nube ive uáppei dokumentijguin. Maŋeláá videoh puátih olgos meid Säämi máttááttâskuávdáá YouTube-kanavast.

Uđđâs lii čáállám Säämi máttááttâskuávdáá taan ive anarâškielâ lohhee Anniina Veitonmäki.

Varrasamosat: Säämi

Váldoođđasat

Varrasamosat

Muualla Yle.fi:ssä