Sápmi |

Saaʹmi ouddooumaž vaal rieʹšše oʹđđest - Terhi Harju juätkkai vääʹrrouddooumžen vaalid räjja

Saaʹmi ouddoummuvaal vaal-luʹvddkååʹdd tuʹmmji, što saaʹmi ouddoummuvaali rieʹšše oʹđđest. Saaʹmi vääʹrrouddooumaž Terhi Harju juätkkai siidsååbbaraaʹšši hoiʹddjummšest vaalid räjja.

Terhi Harju
Govva: Sara Wesslin / Yle

Saaʹmi ouddoummuvaal vaal-luʹvddkååʹdd tuʹmmji 31.7. âânnam såbbrest, što eeʹjj 2017 saaʹmi ouddoummuvaali rieʹšše oʹđđest. Oođeemvaal ââʹnet pâʹsspeeiʹv 2.9.2018. Da täin vaalin vaʹlljee ouddoummu poʹdde 1.1.2019 – 31.12.2020.

Saaʹmi vääʹrrouddooumaž Terhi Harju juätkkai siidsååbbaraaʹšši hoiʹddjummšest påʹrǧǧmannust vaalid räjja.

Võboršeeʹǩǩin vaalin lie Veikko Feodoroff, Sergei Kp Fofonoff da Tanja Sanila.

Vaali jiõnstempääiʹǩ da -ääiʹj. Njauddâm: Näätämö Gateway, Sevettijärventie 12245, čiâss 11.00 – 14.00. Čeʹvetjäuʹrr: Sääʹmpõrtt, Sevettijärventie 9080, čiâss 16.00 – 19.00. Keväjäuʹrr: Tero da Terhi Harju põrtt, Siskelintie 34, čiâss 11.00 – 14.00. Njeäʹllem: Njeäʹllem kerhopõrtt, Siikajärventie 40, čiâss 16.00 – 19.00

Jiõnstemvuõiggâdvuõtt vaalin lij Aanar kååʹddest põõššinalla jälsteei saaʹmin da sij pieʹllkueiʹmin, kook lie jälstam Aanar kååʹddest ouddâl 13.7.2018, 51 peiʹvved ouddâl vaalpeeiʹv.

Varrasamosat: Sápmi

Váldoođđasat

Varrasamosat