Säämi |

Säämi tyeji -seervi toimâtáálun lii saje uđđâ sajattâhkaavaiävtuttâsâst – čuávuvâžžân äšši kieđâvuššoo kieldâstiivrâst

Säämi tyeji -seervi toimâtáálu já sierâdemkieddi láá paldâluvâi Aanaar markkân uđđâ sajattâhkaavaiävtuttâsâst.

Inarin kirkonkylästä kartta, jossa näkyy suunniteltu asemakaava Sajoksen lähellä olevalle alueelle Kiiaanpuistoon. Menesjärventien viereiselle osalle suunnitellaan rakennuksia.
Aanaar kieldâ teknisâš lävdikode uđđâ sajattâhkaavâst sierâdemkiedi lasseen uáinoo meid toimâtáálu. Govva: Renja Nurmi / Yle

Säämi tyeji -seervi uđđâ toimâtáálu vuáváámeh ovdáneh, ko Aanaar markkân sajattâhkaavan lii vuávájum toimâtáálu várás saje Sajos alda. Aanaar kieldâhaldâttâs tuhhiittij Aanaar markkân sajattâhkaavanubástume vuossaargâ.

Kieldâ stiivrâ saavâjođetteijee Jari Huotari muštâl, ete sij áiguh oovdânpyehtiđ sajattâhkaava kieldâ váldustiivrân tagarin, ko teknisâš lävdikodde ton oovdânpuovtij. Val ij lah tiätu, kuás čuávuvâš váldustiivrâ čuákkim lii.

Teknisâš lävdikode uđđâ iävtuttâsâst sierâdemkieddi já toimâtáálu liččii paldâluvâi. Puáris sajattâhkaavast ij lamaš toimâtáálu merkkejum, pic kaavast oles kuávlu Kollehovi já Sajos kooskâst lâi väridum sierâdemkiedi várás, mutâ uđđâ sajattâhkaavâst toimâtáálu lii merkkejum.

Säämi Tyeji -servi lii puáhtám oovdân seervi táárbuid Aanaar kieldân já iävtuttâm, et kieldâ nubástutáččii kaava Aanaar markkânist já väridiččii kaavan saje toimâtáálun, tast ko Säämi Tyeji -seervist iä lah tuárvi toimâsajeh, muštâl seervi saavâjođetteijee Marjaana Aikio.

– Jis kaava rievdâdem ovdán kieldâhaldâttuv váldustiivrân já tot tuhhit kaavaiävtuttâs, te talle Säämi Tyejist lii pargon toimâsaje vuávám já moin naalijn mij talle tain aššijn ovdánep.

Varrasamosat: Säämi

Váldoođđasat

Varrasamosat

Muualla Yle.fi:ssä