Sápmi |

Ságastala: Galggašiigo sámiin leat iežas riikkabeaiovddasteaddji?

Sáhka sámiid iežas riikkabeaiovddasteaddjis loktana ain duollet dálle. Man mielas don leat? Muital oaivilat!

Eduskunnan istuntosali.
Govva: Jani Saikko / Yle

Ain gaskkohagaid šaddá sáhka das, ahte sámiin galggašii leat iežas riikkabeaiovddasteaddji ja fástabáiki Suoma riikkabeivviin.

Dán vuoro guokte beaivve ovdal riikkabeaiválgga servodatberošteaddji Pirita Näkkäläjärvi čálii kolumnasttis newsnowfinland.fi -ođassiidduin áššis. Näkkäläjärvi čállá, ahte Suomas leat guokte sierralagan autonomalaš guovllu, Ålanda ja Sápmi. Ålanddas lea iežas ovddasteaddji Suoma riikkabeivviin, muhto sámiin dakkár ii leat.

Ovddit geardde sámiid riikkabeaiáirasa dárbu bođii stuorábut ovdan čakčamánus 2016 Davviriikkalaš ovttasbarggu NordArc-čoahkkimis Helssegis. Dalle alladási politihkkár, Suoma ovddeš oaiveministtar ja riikkabeivviid ovddeš ságajođiheaddji Paavo Lipponen árvalii, ahte riikkabeivviin galggašii leat okta lassistuollu sápmelaččaid ovddasteaddjái.

Ovttaskas sápmelaččas lea dieđus vejolašvuohta beassat riikkabeivviide válgga bokte. Dálá dilis sápmelaččain ii leat goit fástabáiki guđege davviriikka parlameanttas.

Man mielas don leat? Galggašiigo sámiin leat iežas fástabáiki Suoma riikabeivviin? Muital oaivilat!

Varrasamosat: Sápmi

Váldoođđasat

Varrasamosat

Muualla Yle.fi:ssä