Sápmi |

Sáhkabihtážat Yle Sámis: Anára skuvlla rektor válljejuvvo duorastaga ja guolástanlobiid vuovdin davimus gielddaid jogaide álgá odne

Loga dás duorastaga sáhkabihtážiid.

Video: Inarin koulun neljällä kielellä
Video
3.5.2018 Yle ođđasat Sámis Video: Yle Areena

Anár čuvgehuslávdegoddi vállje otne Anára skuvlla rektora. Čuvgehuslávdegoddijearahallá otná čoahkkimisttis Tuomas Karjalainen, Elle-Maaret Näkkäläjärvi ja Marja Seilonen.

– Jearahallamiidda lei maid bovdejuvvon Jukka Taipale, muhto son leageassán eret ohcamušas go lea válljejuvvon eará sadjái rektorin, čállá Anára čuvgehushoavdaIlkka Korhonen čuvgehuslávdegoddái čoahkkináššelisttus.

Dál Anára skuvla rektora sadjásažžanbargá Elle-Máret Näkkäläjärvi. Son válljejuvvui skuvla rektora sadjásažžan gofásta rektor, Ilkka Korhonen, álggii studeret anárašgiela čakčat 2017. Maŋŋelisčakčat Ilkka Korhonen válljejuvvui Anár čuvgehushoavdan.

Guolástanlobiid vuovdin Anára ja Eanodaga jogaide álgá odne

Anára ja Eanodaga jogaide sáhttá oastigoahtit guolástanlobiid duorasdat iđit diibmu 9 rájes. Eanodagas lobiid beassá oastit Leahttásetnui, Bálojohkii ja Ovnnes-, Geahkkil ja Bievrrašjogaide. Anáris lohpevuovdin fas guoská Njávdánjoga, Avviljoga, Lohttu, Suomujoga, Juvdujoga ja Gámas- ja Giellajogaid. Ohcejoga jogaide lohpevuovdin rahpasa 9. miessemánu.

Ounasjoen Marraskoski 24.8.2017
Ounasjoen Marraskoski 24.8.2017 Govva: Jarmo Honkanen / Yle
Lohpevuovdin, mii álgá dál, guoská luosa ja dápmoha goargŋunčáziid. Jogaide leat meroštallan sálašdihtomeriid, man dihtii juohke guolásteaddjái eai vealttakeahttá reahkká lobit justa daid beivviide maidda háliida.

Guolásteaddjit gávdnet dárkilut dieđuid guolástanáigodaga álgimis, guolástanlobiin ja kárttain Meahciráđđehusa Eräluvat -siidduin. Lohpevuovdin dáhpáhuvvá Meahciráđđehusa Eräluvat -neahttagávppis, bálvalannummiris ja guovllu luondduguovddážiin.

Neahttagávppis lobiid galgá máksit seammás, nappo daid ii sáhte várret. Telefonvuovdima bokte diŋgojuvvon lobiin lea dábálaš máksináigi, seammá luondduguovddážis ášši divššodettiin.

Olmmošvuoigatvuođalihttu ordne seminára vearrivuođain ja soabadeami vejolašvuođain

Olmmošvuoigatvuohta lihttu lágida odne duorastaga seminára Helssegis, man fáddan leat historjjálaš vearrivuođat ja stáhtalaš soabadeami vejolašvuođat.

Suoma lagaš historjjá sisttisdoallá vearrivuođaid sierra olmmoščearddaid vuostá. Eandalitge sápmelaččat ja eará vehádagat dego románat, doaibmahehttejuvvon olbmot ja seavagiellagat leat šaddan gillát dain vearrivuođain.

Semináras galgetge ságastallat eanet sierra olmmošjoavkkuid vásihan váivviin ja das mo stáhta sáhtašii njulget dáhpáhuvvan vearrivuođaid. Sáhkan lea maiddái dat mo eará davviriikkain leat soabadan dákkár áššiid.

Pirkko Mattila
Pirkko Mattila Govva: Eduskunta
Semináras leat mielde ságastallame earret eará Sámedikki ságadoalli Tiina Sanila-Aikio, sosiálaráđđi Ristenrauna Magga, sosiála- ja dearvvašvuođaministtar Pirkko Mattila, Suoma románaforuma doaimmajođiheaddji Allan Lindberg ja professor Helena Ranta.

Olmmošvuoigatvuođalihttu seminára sáhttá čuovvut maiddái neahttastreama bokte. Seminára dárkilut prográmma ja liŋka streamii gávdno dáppe https://ihmisoikeusliitto.fi/historian-vaaryydet/.

Sámi Árvvut searvái 8 000 euro Musealágádusas

Musealágádus lea juohkán veahkkeruđaid servviide kulturárbi ja kulturbiras prošeavttaid várás. Sámi Árvvut searvi oaččui Musealágádusas 8 000 euro Sámi kulturbiras báikkit, máidnasat, myhtat ja geavaheapmi -prošektii. Musealágádus juolludii oktiibuot 81 400 euro 16 álbmotorganisašuvdnii ja searvái.

Musealágádus deattuha ruhtajuolludemiin dakkár prošeavttaid, mat sisttisdollet servošiid oasálastima doaimmaide.

Gávpotsámiid dárbbuin gullandilálašvuohta

Gávpotsápmelašvuođa leanadáiddar Milja Guttorm áigu deaivvadit gávpotsámiiguin, ja doallá otne vuosttas gávpotsámiid gullandilálašvuođa Oulus.

– Ulbmilin lea háleštit gávpotsámiid dárbbuid birra ja das, mo áššiid sáhtášii buoridit, muitala Milja Guttorm.

Oulu dilálašvuohta lea Tuira asukastupas otne duorastaga diibmu 16:30- 19.00.

Gullandilálašvuohta gávpotsámiiide lágiduvvo miessemánu 28. beaivve Helssegis, 29. beaivve Tamperes ja miessemánu maŋimuš beaivve Roavvenjárggas.

Varrasamosat: Sápmi

Váldoođđasat

Varrasamosat

Muualla Yle.fi:ssä