Sápmi |

Sáhkabihtážat Yle Sámis: Boazodoalloguovllus dušše moadde gumppe, Ohcejotnjálmmi skuvlaguovddáža rektor -ášši gieđahallo odne

Dá leat duorastaga sáhkabihtážat.

Susia juoksemassa tiella.
Govva: Suomen Metsästäjäliitto / Lehtikuva

Boazodoalloguovllus leat dušše moadde gumppe

Boazodoalloguovllus leat dušše moadde gumppe. Dát boahtá ovdan Luondduriggodatguovddáš LUKE nálleárvalusas. LUKE mielde Suomas ledje njukčamánus oktiibuot 20 gumpevalvvi ja oktiibuot gumppiid mearri lei sullii 165- 190 gumppe. Dat lea váile 10 proseantta eanet go diibmá.

Eanemus gumppet leat Suoma oarjeoasis, gos leat sullii 70 proseanta olles Suoma gumpenális nappo gumppenálli doppe lea sullii 108-122 gumppe gaskkas. Ovdal stuorámus oassi Suoma gumpenális lea leamašan Suoma nuortaoasis. Loga dás guhkit suomagielat artihkkala.

LUKE artihkkala gávnnat dás.

Ohcejoga čuvgehuslávdegoddi gieđahallá odne Ohcejotnjálmmi skuvlaguovddáža mearreáigásaš rektor virgeášši

Ohcejoga čuvgehuslávdegottis lea odne čoahkkin. Áššelisttus lea earret eará Ohcejotnjálmmi skuvlaguovddáža rektora virgi boahtte lohkanbadjái 2018-2019. Ohcanáigi mearreáigásaš virgái nogai 1.6.2018. Evttohus rektora válljemis buktojuvvo čoahkkimii ja čuvgehuslávdegotti mearrida de áššis.

Odne lea Anára gielddastivrra čoahkkin ja almmolaš gažadandiibmu

Odne lea Anára gielddastivrra čoahkkin. Čoahkkin álgá diibmu 15, muhto ovdal dan diibmu 14.00 álgá almmolaš gažadandiibmu. Olbmot ja dieđiheaddjit sáhttet mannat báikki ala čuovvut. Gielddastivrra lahtut leat ovddalgihtii sádden gažaldagaid maidda vástida gielddaráđđehusa ságajođiheaddji dahje soames, gean son lea dasa válljen.

Gielddastivrra čoahkkima sáhttá čuovvut radios ja streama bokte. Gažadandiibmu ii gullo radios iige dat streamejuvvo. Liŋkkaid gávnnat Anára gieldda siidduin.

Varrasamosat: Sápmi

Váldoođđasat

Varrasamosat

Muualla Yle.fi:ssä