Sápmi |

Sáhkabihtážat Yle Sámis: Boazodoarjja seamma maid dán jagi, Norggas evttohan duohtavuođakomišuvnna láhtuid

Dá leat duorastaga sáhkabihtážat.

Jietna: Miessemearkun Sarvvesčoalmmis Sállevári bálgosis.
Jietna
Guldal duorastaga Yle Ođđasat Sámis -sáddaga dás. Jietna: Yle Areena

Boazodoarjja seamma maid dán jagi

Boazodoalu álbmotlaš doarjja ovtta ealli bohccos lea maid dán jagi 28,50 euro. Doarjaga mákset oktiibuot 4,5 miljovnna euro ovddas sullii 900 biebmogoddái.

Boazodoarjja vuođđuduvvá Eurohpá komišuvnna mearrádussii. Doarjaga oažžuma eaktun lea, ahte biebmogotti olbmot oamastit boazodoallojagi 2017-2018 loahpas unnimustá 80 eallibohcco. Áššis dieđiha Eana- ja vuovdedoalloministeriija.

Duohtavuođakomišuvdna ovdána Norggas

Norgga Stuoradikki presideantagoddi lea evttohan lahtuid duohtavuođa- ja seanadankommišuvdnii, mii guorahallagoahtá dáruiduhttinpolitihka sápmelaččaid, kvenaid ja norggasuopmelaččaid vuostá.

Stáhtadiehtti ja politihkkár Dagfinn Høybråten jođihišgoahtá komišuvnna. Suinna kommišuvnnas leat 12 lahttu.

Láhttut leat Sámi allaskuvlla lektor Liv Inger Somby Guovdageainnus, emeritusprofessor Einar Niemi Čáhcesullos, Romssas professor Ivar Bjørklund, emeritusbismá Per Oskar Kjølaas ja vuosttaš amanueansa Ketil Zahchariassen. Dasa lassin seniorráđđeaddi Anne Kalstad Mikkelsen Hápmiris, museahoavda Marit Myrvold Evenáššis, stipendiáhta Håkon Hermanstrand Kolvereidis ja Ušlus professor Pia Lane, professor Anne Julie Semb ja emeritus professor Aslak Syse.

Komišuvdna galgá geargat bargguinis ovdal čakčamánu 1. beaivve jagi 2022.

Giellabeassi Pesser vuođđudeamis odne logi jagi

Avvila nuortalašgiela giellabeassi Pesser deavdá odne 10 jagi. Giellabeasis leat dáid jagiid áigge leamašan oktiibuot 28 máná. Dál Pesser-giellabeasis leat divššus vihtta máná.

Nuortalašgielat árrabajásgeassimis leamašan jagiid mielde váttisvuođat oažžut nuortalašgillii oahpahusa, go mánná sirdašuvvá giellabeasis skuvlabálgái.

Vuigen 14.6.2018 dii 10.08: muitaleimmet boastut iđđes Yle Ođđasat Sámis -sáddagis, ahte "Máná neurologalaš ovdánumi mihtideaddji nu gohčoduvvon LENE-teastta jorgaluvvo ja heivehuvvo maid sámemánáide". Rivttes diehtu lea, ahte LENE-teastta jorgaleami leat easkka plánemin ja ohcamin ruhtadeami dan várás.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä