Koe uusi yle.fi
Sápmi |

Sáhkabihtážat Yle Sámis: Ealáhusministtar áigu galledit Ohcejoga ja Tukes muittuha dorvvolašvuođas rakeahtaid bávkalettiin

Dá leat jagi 2017 maŋimuš sáhkabihtážat.

Mika Lintilä.
Ealáhusministtar Mika Lintilä boahtá fitnat davvin ođđajagimánus. Govva: Jari Kovalainen / Yle

Ealáhusministtar galleda Ohcejoga gieldda


Ohcejoga gielda bovde olbmuid rabas dilálašvuhtii deaivat ealáhusministtar Mika Lintilä. Dilálašvuohta ordnejuvvo gieldda váldostivrasáles ođđajagimánu 10. beaivve, diibmu 14.00. Dilálašvuođas leat mielde maiddái oassi Lappi riikkabeaiáirasiin.

Dilálašvuođas ságastallet gieldda ealáhuseallimis ja dan ovddidandárbbuin.

Lappi čuoiganguovddážat dárbbašit boahtte áiggis ain eanet bargiid

Lappi bargo- ja ealáhusguovddáža mielde čuoiganguovddážat bálkáhit dálá dilis badjelaš 4 000 sesoŋŋabargi. Boahttevaš jagiin bargoveaga šaddet háhkat lasi olgoriikkain, dasgo Lappis ja čuoiganguovddáža lagaš guovlluin eai leat doarvái nuorat, geat sáhtašedje bargat turismasuorggis.

Turismasuorgi lea maŋemus jagiid sturron sakka Lappi čuoiganguovddážiin. Boahtte jagi turisma ja idjadeamit bohtet ain lassánit davvin.

Sámi artistat mielde Yle ođđa musihkkaráiddus

Finlandia Road Trip 2017 -nammasaš musihkkaráiddus oahpásmuvvet nuorra arttistaide miehtá Suoma.

Ráiddus leat mielde maiddái sámeartistat: Ravggon- ja SomBy-joavkkus oahpis Milla Pulska, Hildá Länsman sihke maiddái "Roavvenjárga" -episodas Jolanda Magga.

Ráiddu sáhttá geahččat Yle Areenas.

Rakeahtaid bávkkalit fas ođđajagiija – Muitet čalbmesujiid

Rakeahtaid oažžu Suomas bávkalit ođđajagiija, nappo sotnabeai eahkes diibmu guđa rájes gitta guovtti rádjai ihkku. Eará áiggiin rakeahtaid bávkaleapmái dárbbašuvvo lohpi.

Ilotulitusta Rovaniemellä.
Dorvvolašvuohta lea dehálaš rakeahtaid bávkalettiin. Govva: Kaisa Siren / AOP

Dorvvolašvuođa ja kemikáladoaimmahat Tukes ávžžuha olbmuid dorvvolašvuhtii go ávvudit ođđajagi rakeahtaiguin ja muittuha, ahte čalbmesujiid geavaheapmi lea lága mielde bákkolaš rakeahtaid bávkalettiin.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä