Sápmi |

Sáhkabihtážat Yle Sámis: Gauriloffii dáiddárveahkkeruhta ja parlamentarihkkárkonferánsa Anáris

Dá leat disdaga sáhkabihtážat.

Jietna: Katja-Gauriloff
Jietna
Dáidaga ovddidanguovddáš Taike jugii earret eará Katja Gauriloffii dáiddárveahkkeruđa golmma jahkái. Guldal disdaga Yle Ođđasiid Sámis dás. Jietna: Yle Areena Govva: Vesa Toppari / Yle

Katja Gauriloffii golmma jagi dáiddárveahkkeruhta Taikes

Filbmabagadalli Katja Gauriloff lea ožžon dáidaga ovddidanguovddáš Taikes dáiddárveahkkeruđa golmma jahkái. Taike dáiddadoaibmagottit juhke 304 dáiddárveahkkeruđa. Veahkkeruđa juhke govvadáidda, girjjálašvuođa, musihkka ja lávdedáidda ámmátolbmuide. Dáiddárveahkkeruđat sáhttet leat jahkebealis viđa jahkái.

Buot veahkkeruđaid ožžon olbmuid namaid oainnat Taike neahttasiidduin.

Árktalaš guovllu parlamentarihkkárkonferánsa Anáris boahtte vahkkus

Lagabui 50 riikkabeaiáirasa čoahkkanit boahtte vahkkus, 17.–19.9. Anárii Árktalaš guovllu parlamentarihkkarkonferánsii, dieđiha Suoma riikkabeaivvit. Čoahkkimii bohtet ovddasteaddjit buot Davviriikkain, Kanadas, Ruoššas, Eurohpá parlameanttas, eamiálbmogiid organisašuvnnain ja Árktalaš ráđi dárkojeaddjiriikkain dego Kiinnás ja Singapores.

Dieđáhusas daddjo, ahte Anára čoahkkin addá suoma riikkabeaiáirasiidda vejolašvuođa doalvut Suoma árktalaš váldotemáid ovddošguvlui, dego birassuodjaleami, kommunikašuvdnaoktavuođaid, meteorologalaš ovttasbarggu ja skuvlejumi. Čoahkkimis maiddái hubmet dálkkádatrievdama eastadeamis mas earret eará energiijaseastin lea dehálaš vuohki.

Suoma sáttagoddái gullet sáttagotti ságadoalli Katri Kulmuni (guovddáš), várreságadoalli Johanna Ojala-Niemelä (SD), Tiina Elovaara (aliđat), Kari Kulmala (aliđat), Markus Lohi (guovddáš) ja Mari Leena Talvitie (olgeš).

Čoahkkima rahpanbeaivái oassálastet maiddái riikkabeivviid ságadoalli Paula Risikko ja olgoriikaáššiid ministtar Timo Soini (aliđat).

Varrasamosat: Sápmi

Váldoođđasat

Varrasamosat

Muualla Yle.fi:ssä