Sápmi |

Sáhkabihtážat Yle Sámis: Njálmmálaš kulturárbái veahkkeruhta, eanaloddebivdu guhkku ja SKB gáibida Jiekŋameara ruovdegeainnu hilguma

Dá leat duorastaga sáhkabihtážat.

Jietna: Metso on Suomen metsäkanalinnuista suurin.
Jietna
Ovdamearkka dihte čuvččá oažžu dán jagi bivdit Anára, Eanodaga ja Ohcejoga gielddain 10.9.–10.11.2018 ja Soađegili gielddas 9.10–10.12.2018. Guldal Yle Ođđasiid Sámis dás. Jietna: Yle Areena Govva: Esko Kitula / Yle

Njálmmálaš kulturárbbi fidnuide veahkkeruhta Musealágádusas

Dál lea vejolaš ohcat Musealágádusas veahkkeruđa njálmmálaš kulturárbbi ovttasbargo- ja ovddidanfidnuide. Musealágádus lea rahpan ohcanláhkai veahkkeruđaid máilmmeárbbi čuozáhagaid dutkan- ja ovddidanfidnuide, báikkálaš museaid fidnuide ja njálmmálaš kulturárbbi ovttasbargo- ja ovddidanfidnuide, mat čuvvot Unesco njálmmálaš kulturárbbi suodjaleami guoski oktasašsoahpamuša.

Ohcamušaid galgá guođđit maŋimuštá 19.10. Eanet áššis ja ohcanrávvagiid sáhttá lohkat Musealágádusa neahttasiidduin.

Eanalottiid bivdoáigi guhkkon

Eanalottiid bivdin lea álgán mánnodaga. Dán jagi bivdu bistá guhkit go ovdal, muitala eanan- ja meahccedoalloministeriija. Ovdal eanalottiid bivdu lea bistán golggotmánu lohppii, muhto geasi álggus ásahusa rievdadedje nu, ahte čuvččá, hurri ja baggo bivdin sáhttá bistit golbma mánu 10.9–10.12 earret, jus eanan- ja meahccedoalloministeriija oanida áiggi sierra ásahusain.

Ovdamearkka dihte čuvččá ja hurri oažžu bivdit Anára, Eanodaga ja Ohcejoga gielddain 10.9.–10.11.2018. Soađegili gielddas čuvččá oažžu bivdit 9.10–10.12 ja hurri 10.9–10.11.

Baggo oažžu bivdit Anára, Eanodaga, Ohcejoga ja Soađegili gielddain 10.9–10.10.2018.

Suoma kommunisttalaš bellodat gáibida, ahte Jiekŋameara ruovdegeaidnofidnu hilgojuvvo

Suoma kommunisttalaš bellodat gáibida Jiekŋameara ruovdegeaidnofidnu hilguma. Bellodaga mielde sápmelaččain galgá leat riekti mearridit iežaset áššiin, ovdamearkka dihte das, oažžugo Jiekŋameara ruovdegeaidnu mannat sámeguovllu čađa.

Bellodat gáibida maiddái, ahte Jiekŋameara ruovdegeaidnofidnu válmmaštallamis gullet sápmelaččaid, guovllu ássiid, boazodoalliid, Sámedikki, Nuortalaččaid giličoahkkima ja bálgosiid buorebut go dál.

Varrasamosat: Sápmi

Váldoođđasat

Varrasamosat

Muualla Yle.fi:ssä