Sápmi |

Sáhkabihtážat Yle Sámis: Norggas 2 miljon ruvnnu duohtavuohta- ja seanadankommišuvdnii ja Avvilis fállagohtet davvisámegielat giellalávgunoahpahusa

Dá leat gaskavahku sáhkabihtážat.

Jietna: Norgga ruvnnu báberruđat mat báhcet eret.
Jietna
Yle Ođđasat Sámis - radio-ođđasat 16.5.2018 Jietna: Yle Areena

Norggas 2 miljon Norgga ruvnnu duohtavuohta- ja seanadankommišuvdnii

Norgga ráđđehus bidjá 2 miljon Norgga ruvnnu duohtavuohta- ja seanadankommišuvdnii, muitala NRK Sápmi. Duohtavuohta- ja seanadankomišuvnnain dutket dáruiduhttinpolitihkka ja boasttuvuođaid, mat leat dahkkon sámiid ja kvenaid vuostá. Norgga Stuorradikki vurdet mearridit giđa čoahkkimis kommišuvnna čoahkkádusas ja mandáhtas, dat máinnašuvvo stáhtabušeahtas.

Davvisámegielat giellalávgun luohkká álgá Avvilis boahtte čavčča

Avvilis fállagohtet boahtte čavčča rájes oahpahusa davvisámegiela giellalávgunluohkás. Vihtta máná livčče álggaheame dán giellalávgunluohkás.

– Mii leat álggaheame davvisámegielat giellalávgun luohká. Mii bijaimet jearahallama daid vánhemiidda, geaid mánát leat boahtime ovdaskuvlii dahje vuosttaš luohkkái, ahte leago beroštupmi dákkár luohkkái, gos livččii geavahuvvon giellalávgundidaktihka, muitala Avvila vuolledási rektor Pirkko Olli.

Ulbmilin lea, ahte mánná doaimmalaččat šaddá guovttegielagin.

– Leat mánát, geain sáhttá leat sámeduogáš ja veahá gielladáiduge. De leat fas obban suomagielat bearrašiid mánát, geaiguin kánske leat juoganu eará dáiddut, sáhttá máhttit lohkat dahje čállit dan láhkai, ahte dárbbašivččii lasi hástalusaid, de sáhtášii álggahit dalle davvisámegielat luohkás, muitala Olli.

Avvila giellalávgunluohká mánát sáhttet de go mannet goalmmát luohkkái de válljet mannetgo obban sámegielat vai suomagielat oahpahussii.

Dulvedilli Duortnus- ja Ovnnesjogas joatkašuvvá ain

Duortnus- ja Ovnnesjogas dulvedilli joatkašuvvá ain. Gihttelis dilli lea krihtalaš. Dulvi ii leat dál šat vearránan, muhto duorastaga ja bearjadaga soaitá leat garra arvi, mii sáhttá vearidit dili. Gihttela gielda ovttas dulveguovddážiin ja gádjunlágádusain árvala odne evakuerendárbbu.

Duortnosjoga vearrámus dulvvi árvalit báhcit vuolleleppui go dulvesuodji mii lea dahkkon.

Roavvenjárggas dulvvi fas árvalit vearránit vel. Čázi allodaga árvalit loktanit vel 20 sentte. Giemajávrái leat ohcan lobi loktet čázi allodaga bajimus ráji vai sáhttet suodjalit Roavvenjárgga.

Avvilis dulvi lea fas luoitime.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä