Sápmi |

Sáhkabihtážat Yle Sámis: Oahpahus- ja kulturministeriija ja Oahpahusráđđehus bovdejit searvat sámiid álbmotbeaivve ávvudeapmái

Dá leat vahku vuosttas sáhkabihtážat.

saamenlippu saame
Govva: Yle / Vesa Toppari

Oahpahus- ja kulturministeriija ja Oahpahusráđđehus bovdejit searvat sámiid álbmotbeaivve ávvudeapmái. Sámiid álbmotbeaivi dollojuvvo ihttin guovvamánu 6. beaivve.

Oahpahusráđđehusa oaivehoavda Olli-Pekka Heinonen deattuha, ahte sámiid álbmotbeaivvi doallan skuvllain ollašuhttá oasistis maiddái vuođđooahpahusa oahppoplána vuođustusaid linnjádemiid, maid mielde skuvla oahppi searvvušin buktá ovdan sámekultuvrra mearkkašumi Suomas. Dat ovddida ovttaskas olbmuid ja joavkkuid gaskasaš áddejumi ja gudnejahttima sihke vásttolaš doaimma. Skuvlaservošis galgá gávnnahit, ahte vuoigatvuohta iežas gillii ja kultuvrii lea vuođđovuoigatvuohta.

– Sámiid álbmotbeaivi addá buori vejolašvuođa oahpásmuvvat sámiide Eurohpa áidna eamiálbmogin ja maiddái sámiid kulturtradišuvnnaide, dadjá Olli-Pekka Heinonen.

Olli-Pekka Heinonen
Oahpahusráđđehusa oaivehoavda Olli-Pekka Heinonen. Govva: Vesa Toppari / Yle

Varas kulturárbebarometra bohtosat muitalit čielgasit, ahte lea beroštupmi gáhttet iežas kulturárbbi ja – birrasa. Deháleamos áššin, maid gáhttet, leat vástideaddjit nammadan luonddu, birrasa, dábiid, árbevieruid ja gieđadáidduid sihke giela.

Oahpahus- ja kulturministeriija ja Sámediggi leat ráđđádallan gáiddusoktavuođaid ávkkástalli golmmajahkásaš oahpahusa ovddidandoaimmas, man vehkiin sáhtášii buoridit erenomážit sámiid ruovttuguovllu olggobealde ássi mánáid vejolašvuođaid oažžut dievasmahtti sámegiela oahpahusa.

– Iežas eatnigiella lea dat gaskoapmi, mainna buoremusat ovdanbuktit iežamet, dovdduideamet, jurdagiiddámet sihke gulahallat earáiguin. Leamašan vuogas fuopmášit, mo sámenuorat atnet árvvus iežaset giela ja kulturárbbi ja háliidit sihkkarastit dan jotkkolašvuođa, dadjá oahpahusministtar Sanni Grahn-Laasonen.

Oahpahusráđđehus lea nammadan sámiid ja sámekultuvrra maiddái váldotemán eurohpalaš kulturárbejagi 2018 doallamis.

Roavvenjárggas čájehit sámefilmmaid álbmotbeaivvi

Lappi universitehta ordne Sámi álbmotbeaivvi gudnin filbmačájáhusa, masa leat čohkken várraseamos sámi oanehisfilmmaid.

Filbmačájáhusas čájehit earet eará Skábmagovat-bálkašumi ožžon Morit Elena Morit, Lada Suomenrinne bagadallan The Voice of Sámi youth - Nuoraid jietna, Per Josef Idivuoma ođđasamos filbma Boom Boom ja Katja Gauriloffa bagadan musihkkavideo Sálbma. Dan lassin doppe čájehuvvo maiddái Yle Sámi buvttadan Sámi Sherlock.

Dilálašvuohta lea buohkaide rabas ja dat álgá dii 14 Lappi universitehtas, Roavvenjárggas. Dilálašvuohta lea ordnejuvvon ovttas Skábmagovat-filbmafestiválain ja universitehta sámedutkamušain.

Lappi guovddášbuohcceviesuin doavttervátni

Lappi guovddášbuohcceviesuin lea guhká leamašan dárbu psykiáhteriidda, mánáiddoaktáriidda ja čalbmedoaktáriidda, muitala Lapin Kansa -aviisa. Länsi-Pohja guovddášbuohcceviesus Giemas leat 70 spesiáladoaktára virggi, main juohke njealját lea rabas, dego mánáiddoaktáriid ja neurologaid virggit.

Lappi guovddášbuohcceviesus Roavvenjárggas fas lea erenoamážit dárbu psykiáhteriidda ja muđuige spesiáladoavttirdilli eallá doppe olles áigge. Goappašiin buohcceviesuin leatge buohccit šaddan vuordit divššu oalle guhká, juobe jahkebeali.

Lapin keskussairaalan laajennuksen aikataulua ei pystytä vielä vahvistamaan.
Lappi guovddášbuohcceviessu Roavenjárggas. Govva: Jarmo Honkanen / Yle

Mátta bálgosiin gáibidit bohccuid áidde sisa

Suoma máttimus bálgosiid guovllus muhtin olbmot, geain eai leat bohccot, gáibidit, ahte buot bohccot galget biddjojuvvot áidde sisa. Dát olmmošjoavku lea dolkan bohccuid dagahan hehttehusaide ássan- ja eanadoalloguovlluin ja háliidit, ahte boazodoalloláhka rievdaduvvošii nu, ahte bohccot galggašedje leat áidde siste birra jagi. Dát olbmot leat áŋgirit sosiála medias iskkan váikkuhit olbmuid oaiviliidda dán áššis. Dákkár riiddut leamašan guovllus juo guhká, ja dál lea maiddái Bálgosiid ovttastus álgán juohkit dieđu ja geahččalan čoavdit riiddu. Áššis muitala Lapin Kansa -aviisa.

Poroja nurmipellolla.
Bohccuid hálidit eret bealdduin, gárddiid sisa. Govva: Virpi Parpala

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä