Kaikki talviolympialaisista!
Sápmi |

Sáhkabihtážat Yle Sámis: Sámediggi čoahkkanan jagi vuosttas dievasčoahkkimii ja Ruoŧa riikabeaivvit hilgo evttohusa sámi duohtavuođakommišuvnnas

Dá vahkku manjemuš sáhkabihtážat Yle Sámis.

sámediggi saamelaiskarajat
Sámedikki dievasčoahkkin Govva: Linda Tammela / Yle Sápmi

Sámediggi čoahkkanan jagi vuosttas dievasčoahkkimii.

Sámediggi lea čoahkkanan otne jagi vuosttas dievasčoahkkimii. Čoahkkimis ságastallet earret eará soabadallanproseassas. Čoahkkin lea álgán diibmu logis Sámekulturguovddáš Sajosis.

Yle Sápmi čuovvu čoahkkima reálaáiggis Yle Sámi neahttasiiddus. Čoahkkin maiddái streamejuvvo. Njuolggostreama sáhttá čuovvut čujuhusas www.sogku.fi/live/.

Ruoŧa riikabeivviin “ii” duohtavuođakommišuvdnii

Ruoŧa riikkabeaivvit hilgo ikte evttohusa álggahit sámiid duohtavuođakommišuvnna Ruoŧas. Buot bellodagat earret Ruoŧa gurutbellodat jienastedje "ii".

Ruoŧa beale Sámeradio mielde sápmelaččat geat barge duohtavuođakommišuvnnain, eai máhttán vuordit dákkár bohtosa. Sin mielas erenomáš ártet lei, go Ruoŧa birasbellodat jienastii "ii", daningo bellodaga láhttu ja Ruoŧa kultur- ja demokratiijaministtar Alice Bah Kuhnke lei stuorra rollas kommišuvnna válmmaštallanbarggus. Áššis sáhttá lohkat eanet Ruoŧa Sámeradio neahttasiidduin.

Seminára duohtavuođa- ja soabadallankommišuvnna vuođđudeames

Anáris lágiduvvo ihttin lávvardaga seminára duohtavuođa- ja soabadallankommišuvnna vuođđudeames. Semináras gieđahallet kommišuvnna vuođđudeami eavttuid ja gullat vásáhusaid vástideaddji kommišuvnnaid doaimmas eará sajiin máilmmis. Dan jođiheaba Sámedikki ságadoalli Tiina Sanila-Aikio ja Ovttastuvvon našuvnnaid ráfisoabadanfierpmádaga hoavda Antti Pentikäinen.

Buohkaide rabas seminára álgá Sámekulturguovddáš Sajosis lávvardaga ovcci áigge ja bistá gitta njealji rádjai. Dilálašvuođa sáhttá čuovvut njuolga neahta bokte čujuhusas www.sogku.fi/live/.

Poasta rahpá pakeahttaautomáhta Njávdámii

Poasta rahpá njukčamánu 9.beaivve ođđa Smartpost -automáhta Njávdámii, Nord1 -gávpái. Dat Smartpost -pakeahttaautomáhta fállá Čeavetjávrri ja Njávdáma guovllu olbmuide álkit vuogi sáddet ja oažžut pakeahtaid.

Poasta lea ohcan ovttasbargoguoimmi Čeavetjávrri guovllus dan rájes, go gárte giddet Čeavetjávrri poastta jagis 2015. Sin ulbmilin livčče oažžut dievaslaš bálvalusa Čeavetjávrái, muhto eai leat vel gávdnán heivvolaš fitnodatdoalli ovttasbargoguoibmin.

Pakettiautomaatti.
Govva: Laura Tolonen / Yle

Sápmi Speech Karaoke maiddái davás?

Gaskavahku lágiduvvui Helssegis Sápmi Speech Karaoke. Hállankaraokes lávlagiid sajis sáhtii válljet sáhkavuoruid. Sápmi Speech Karaoke fáddán ledje sápmelaččaid ja váldoálbmoga historjjálaččat váttis gaskavuođat, ja maiddái dat bieđgguidvuođat, mat leat sámiid siste. Sáhkavuorrolisttus ledje sierra giellajoavkkuid sámeaktivisttaid sáhkavuorut ja maiddái vaššiságat sámiid vuostá.

Ordnejeaddji mielde plánain lea ordnet dákkár hállankaraoke maiddái davvin, vai sáhtaše ordnet sierra sámegielat sáhkavuoruid.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä