Sápmi |

Sáhkabihtážat Yle Sámis: Sápmi Pride Staarei, Laanilas odne muitoboddu partisánaid oaffariidda

Dá leat gaskavahku sáhkabihtážat.

Sápmi Pride
Diibmá Sápmi Pride ordnejuvvui Anáris. Govva: Ville-Riiko Fofonoff / Yle

Sápmi Pride -dáhpáhus ordnejuvvo dán jagi Staares

Sápmi Pride -vahkku álgá borgemánu 27. beaivve Staares (ruoŧagillii Östersund). Seammá vahku áigge lágiduvvo maiddái Östersund Pride. Guktuin dáhpáhusain leat sihke oktasaš ja sierra doaimmat vahku áigge. Áššis muitala SVT.

Dát lea vuosttas háve, go Sápmi Pride lágiduvvo Lulli-Sámi guovllus.

Östersund Pride lágideaddji Preethi Huczkowski dadjá, ahte sii sávvet ain eanet searvat dáhpáhussii, go dán háve maid Sápmi Pride lea dáhpáhusas mielde.

Dáhpáhusa áigge lágidit maiddái pánelaságastallamiid main poltihkkárat ságastallet sámeáššiin ja hbtq-olbmuide guoski áššiin.

Anárvahkuid prográmma gávdno neahtas golmma sámegillii

Anárvahkut lágiduvvojit dán geasi logát geardde, 20.-29.7.2018. Dáhpáhusa rahpandoalut leat Čeavetjávrris suoidnemánu 20. beaivvi. Prográmmas leat earret eará gilidoalut, gollegilvvut, guolásteapmi, mánáiddáhpáhusat, márkanat, konsearttat, dáiddačájáhusat, teáhter, dánsun, lávlun, Gamas Blues ja Čáhcecross-gilvvut.

Anárvahkuid prográmma gávdno neahtas anáraš-, nuortalaš- ja davvisámegillii. Davvisámegielat prográmma gávnnat dáppe, anárašgielat prográmma dáppe ja nuortalašgielat prográmma dáppe.

Laanilas lágiduvvo muitoboddu partisánaid oaffariidda

Dán geasi lea gollan 75 jagi das, go Sovjetlihtu partisánat fallehedje Laanila Suoločielggis ja godde njeallje boastabiilla mátkkošteaddji. Goddon olbmot ledje Aune Hiltunen, Ruut Kjäld, boastabiilla vuoddji P. Nyqvist ja Oulu bismagotti bisma Yrjö Wallinmaa. Dasa lassin logi mátkkošteaddji lápmašuvve falleheames.

Muitobottu partisánaid oaffariidda lágida Oulu bismagoddi ovttas Anára searvegottiin. Lappi rádjegohcinlágádusa Avvila rádjejeagárkompaniija lea maid mielde doarjumin dilálašvuođa. Buohkaide rabas dilálašvuohta álgá diibmu 13 Laanila Bismageađggis ja joatkašuvvá Savottagaféas.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä