Sápmi |

Saijets hoavdda sadjásažžan ja Guttorm vástideaddji buvttadeaddjin

Yle Sámi hoavdda ja vástideaddji buvttadeaddji sadjásaččaid namat leat almmustahttojuvvon. Maria Saijets lea nammaduvvon hoavdda sadjásažžan ja Susanna Guttorm vástideaddji buvttadeaddji sadjásažžan.

Maria Saijets
Maria Saijets Govva: Eljas Niskanen / Yle

Yle Sámi hoavdda sadjásažžan lea nammaduvvon Maria Saijets áigodahkii 5.9.2016–31.8.2017.

Saijets sirdašuvvá hoavdda sadjásažžan Sameradion & SVT Sámi redaktevrra sajis Gironis, Ruoŧa Sámis. Son lea bargan ovdal earret eará NRK Sámis ja maŋimuš jagiid gaskkohagaid maid Yle Sámis.

Maria Saijets
Maria Saijets Govva: Eljas Niskanen / Yle
Maria Saijets álggaha Anáris 5.9.2016.

Guttorm doaibmá jo vástideaddji buvttadeaddjin

Yle Sámi vástideaddji buvttadeaddji sadjásažžan lea nammaduvvon Susanna Guttorm.

Son lea jo doaibman dán virggis dán čavčča.

Susanna Guttorm
Susanna Guttorm Govva: Jonne Järvinen / Yle
Guttorm lea guhká bargan Yle Sámi doaimmaheaddjin tv:s, radios ja interneahtas.

Näkkäläjärvi ja Lakkala oahppolupmui

Yle Sámi hoavda Pirita Näkkäläjärvi vuolgá studeret jahkái London School of Economicii Stuorra-Británniai ja vástideaddji buvttadeaddji Aletta Lakkala lea maid jo báhcán oahppolupmui.

Yle Sámi hoavda Pirita Näkkäläjärvi Yle Ođđasat -studios Anáris.
Pirita Näkkäläjärvi Govva: Vesa Toppari / Yle
Näkkäläjärvi báhcá oahppolupmui 9.9.2016.

Aletta Lakkala
Aletta Lakkala Govva: Vesa Toppari / Yle
Sihke Näkkäläjärvi ja Lakkala leaba eret sullii jagi.

Gullaba hoavdajovkui

Hoavdda saji ohce njealjis ja vástideaddji buvttadeaddji guovttis.

Yleisradio ii láve almmustahtit ohcciid namaid.

Hoavda ja vástideaddji buvttadeaddji gullaba Yle Sámi hoavdajovkui ovttas tv-hoavda Kaisa Aikioin ja teknihkalaš buvttadeaddji Pekka Aikioin.

Hoavda raportere Yle Ođas- ja áigeguovdilisdoaimma Suomi-ossodaga hoavda Jyri Kataja-Rahkoi.

Varrasamosat: Sápmi

Váldoođđasat

Varrasamosat

Muualla Yle.fi:ssä