Sápmi |

Sámebálgosiid oktasaš searvi lea vuođđuduvvon – ságadoallin Asko Länsman Ohcejogas

Sámebálgosiid searvi hálida čalmmustahttit sámi boazodoalu.

Jietna: Asko Länsman
Jietna
Guldal Asko Länsmana jearahallama

Sámebálgosat lea vuođđudan iežaset searvvi, man ulbmilin lea vuodjit sámi boazodoalu ovdduid. Sámebálgosat searvái gullet 11 sámeguovllu bálgosa ja dat lea okta Sámedikki válgabaji 2016-2020 njunušfidnuin. Searvvi ságadoallin doaibmá Asko Länsman Gáldoaivve bálgosis, Ohcejogas.

Searvi cealká boazodollui guoskevaš áššiin, ráđđádallá boazozdoalus mearrideaddji oassebeliin ja doaibmá sámebálgosiid fierpmádahkan, mii juohká dieđui, dáidduid, ideaid ja álgagiid.

Searvvi cealká dieđáhusastis, ahte sámebálgosat dárbbašit iežaset bajimus orgána, vai sámi boazodoalu geahččanguovlu oidnošii buoret boazodollui guoskevaš áššiin.

– Dáthan vulggii das, ahte mii leat oaidnán ahte boazodallu lea viiddis Suomas, Oulus gitta Njuorggámii. Ja leat oaidnán, ahte lea dehálaš ahte mis livčče iežamet joavku, geat sáhttit eiseváldiide lagabui buktit eandalit dán min sámi boazodoalu ovdan, muitala Länsman.

Bálgosiid ovttastumis deattuhit eambo dan, ahte lea okta boazodoallu dušše Suomas ja sámeguovllus fas oidnet, ahte doppe lea sierra sámi boazodoallu, joatká Länsman.

– Dat lea nu earálágan ealáhus dáppe go máddin. Dáppe mii friija guođohat bohccuid ja máddin dat leat áiddiid siste.

Sámebálgosat-searvvis lea čoahkkin otne gaskavahku, gos plánejit searvvi doaimmaid ovddosguvlui.

Dievasmahttojuvvon 13.6.2018 dii 13.15: lasihuvvon Asko Länsman kommeanttat

Varrasamosat: Sápmi

Váldoođđasat

Varrasamosat

Muualla Yle.fi:ssä