Sápmi |

Sámediggelága ođasmahttin lea vuot stáhta beavddi alde: ovdaválmmaštalli bargojoavku guorahallá ođasmahttindárbbuid

Ovdaválmmaštalli bargojoavkkus leat lahtut riekteministeriijas, ráđđehusbellodagain ja Sámedikkis.

Johanna Suurpää
Válmmaštalli bargojoavkku jođiha riekteministeriija ossodathoavda Johanna Suurpää. Govva: Sara Wesslin / Yle

Stáhta lea vuot váldán barggu vuollái sámediggelága ođasmahttima. Riekteministeriija lea dán jagi álggus ásahan sámediggelága ovdaválmmaštalli bargojoavkku. Ulbmilin lea guorahallat sámediggelága ođasmahttindárbbuid ovddit láhkanuppástusevttohusa vuođul.

Lága geahččaledje ođasmahttit ovddit ráđđehusbajis. Bargu bisánii čakčat 2018, daningo Sámediggi ii dohkkehan Pekka Hallberg jođihan bargojoavkku láhkaevttohusa.

Ođđa ovdaválmmaštalli bargojoavkku jođiha riekteministeriija ossodathoavda Johanna Suurpää ja das leat ministariid politihkalaš veahkkebargit juohke ráđđehusbellodagas: Tiina Vainio (sosiálademokráhtat), Teppo Säkkinen (guovddáš), Emilia Laaksonen (ruonát), Juho Orjala (gurut) ja Otto Andersson (ruoŧŧelaččat).

Sámedikki beales bargojovkui gullet ságadoalli Tiina Sanila-Aikio, várreságadoallit Heikki Paltto ja Tuomas Aslak-Juuso, hálddahushoavda Pia Ruotsala-Kangasniemi ja láhkačálli Kalle Varis. Bargojoavkku čállit leaba ráđđádalli virgeolbmot Johanna Hautakorpi ja Yrsa Nyman riekteministeriijas.

Varrasamosat: Sápmi

Váldoođđasat

Varrasamosat

Muualla Yle.fi:ssä