Sápmi |

Sámediggeválggaid álbmottenttet leat dál oaidninláhkai Yle Areenas

Yle Sápmi ordnii borgemánus golbma buohkaide rabas álbmottentte Anáris ja Helssegis.

Yle Sámi sámediggeválggaid 2019 álbmottente Anáris Sajosis 22.8.2019.
Sámekulturguovddáš Sajosis Anáris 22.8. dollojuvvon válgatentii oassálaste ovcci sámediggeválgaevttohasa: Tuomas Aslak Juuso (gur.), Asko Länsman, Kirsti Kustula, Irja Seurujärvi-Kari, Kari Kyrö, Pigga Keskitalo, Jouni Äärelä, Sammol Antti Lukkari ja Pentti Morottaja. Govva: Vesa Toppari / Yle

Sámediggeválggaid álbmottenttet leat dál oaidninláhkai Yle Areenas.

Yle Sápmi ordnii borgemánus golbma buohkaide rabas válgatentte Anáris ja Helssegis. Tenttiide oassálaste buohkanassii 20 sámediggeválgaevttohasa.

Tenttiin lei ulbmil addit jiena álbmogii. Olbmot bessege sihke sáddet gažaldagaid Yle Sápmái ovddalgihtii ja maiddái ieža gažadit evttohasaid dilálašvuođain. Tenttiid láidesteigga Yle Sámi doaimmaheaddjit Aslak Paltto ja Martta Alajärvi. Suomagielat tenttet leat tekstejuvvon Yle Areenai davvisámegillii. Sámegielat teavstta fidne oidnot videogovvaruvttu teksten-boalus.

Geahča maiddái govvagalleriija tenttiin Yle Sámi Facebook-konttus!

Yle Sámi sámediggeválggaid 2019 álbmottente Helssegis Oodis 26.8.2019.
Guovddášgirjerájus Oodis Helssegis 26.8. dollojuvvon válgatentii oassálaste guhtta sámediggeválgaevttohasa: Hanna Guttorm (gur.), Pirita Näkkäläjärvi, Janne Hirvasvuopio, Anni Koivisto, Ida-Maria Helander ja Anne Nuorgam. Govva: Marja Väänänen / Yle
Yle Sámi sámediggeválggaid 2019 álbmottente Anáris Sajosis 29.8.2019.
Sámekulturguovddáš Sajosis Anáris 29.8. dollojuvvon válgatentii oassálaste vihtta sámediggeválgaevttohasa: Anu Avaskari (gur.), Veikko Feodoroff, Veikko Porsanger, Niina Siltala ja Leo Aikio. Govva: Vesa Toppari / Yle

Jienasteapmi bistá čakčamánu lohppii

Sámediggi lea dál sádden válgaáššebáhpáriid jienasteaddjiide. Jienasteaddjit galget máhcahit válgabáhpáriid poastta bokte nu, ahte dat jovdet válgalávdegoddái maŋimustá vuossárgga čakčamánu 30. beaivve ovdalgo jienaidlohkan álgá. Jienasteaddjit sáhttet doalvut válgaáššebáhpáriid maiddái ieža válgalávdegotti doaimmahahkii Anárii 16.9.–27.9.2019. Eanet jienasteamis sáhttá lohkat Sámedikki neahttasiiddus.

Yle Sápmi fállá čavčča sámediggeválggain maiddái earret eará njealjigielat válgamášena ja Sohkaršohka diehtogilvu -videoráiddu.

Varrasamosat: Sápmi

Váldoođđasat

Varrasamosat

Muualla Yle.fi:ssä