Sápmi |

Sámediggi bivdá riekteministeriijas ráđđádallama sámediggelága ođasmahttinproseassas

Sámediggelága dárkkisteapmái lea dárbu, go dan njuolggadusat leat oasil boarásmuvvan ja leat fuomášan, ahte muhtumin njuolggadusat eai doaimma.

Sámedikki dievasčoahkkin 19.6.2017
Govva: Susanna Guttorm / Yle

Sámedikki stivra lea ovttamielalaččat mearridan bivdit riekteministeriijas sámediggelága 9 paragráfa čuovvu ráđđádallama, mii guoská sámediggelága ođasmahttinproseassa.

Sámediggi bivdá ráđđádallama riekteministariin sámediggelága ođasmahttinproseassa ulbmiliin, eavttuin, ja sámediggi resurseremis proseassa áigge.

Dan lassin sámediggi bivdá riekteministeriijas ráđđádallama eará sámiid guoski áššiid ovddideamis stáhtaráđi bealis.

Dárkkisteapmái dárbu

Riekteministeriija lea mearridan ásahit sámediggelága rievdadeami válmmaštalli doaibmagotti. Lága dárkkisteapmái lea dárbu, go dan njuolggadusat leat oasil boarásmuvvan ja leat fuomášan, ahte muhtumin njuolggadusat eai doaimma.

Doaibmagotti bargun lea válmmaštallat dárbbašlaš rievádusaid sámedikkis addon láhkii ovdal skábmamánu loahppa. Doaibmagotti ságadoalli lea riektediehtagiid doavttir Pekka Hallberg.

Riekteministeriija lea bivdán sámedikki ja ráđđehusbellodagaid nammadit iežaset ovttasteddjiid dán rievdadusaid válmmaštalli doaibmagoddái.

Ásahit maiddai parlamentáralaš čuovvunjoavkku

Dan lassin riekteministeriija ásaha maiddai parlamentáralaš čuovvunjoavkku, mii doarju sámediggelága rievdadusaid válmmaštalli doaibmagotti barggu.

Čuovvunjoavkku bargun lea addit riikabeaijoavkkuide rivttesáigásaš dieđu lága válmmaštallamis ja nu ovddidit áššedovdi ja buori ságastallama fáttas. Čuovvunjovkui leat bovden buot riikabeaijoavkkuid ja sámediggi ovttastus.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä