Sápmi |

Sámediggi dievasčoahkkimis vuolggahusságastallamat sámesoahpamusaš ja duohtavuohta- ja soabadanprosessas

Sámediggi stivra lea válmmaštallan čoahkkimisttis áššiid, mat ovdanbuktojuvvojit dievasčoahkkimii 19.6. Dievasčoahkkimis ságastallet Davviriikalaš sámesoahpamušas ja duohtavuohta- ja soabadanproseassas.

sámediggi saamelaiskarajat
Sámedikki dievasčoahkkin juovlamánus 2016 Govva: Linda Tammela / Yle Sápmi

Stivra válmmaštalai áššiid, mat ovdanbuktojuvvojit dievasčoahkkimii 19.6.2017. Guovddášáššiin dievasčoahkkin doallá vuolggahusságastallama sihke Davviriikalaš sámesoahpamušas ja duohtavuohta- ja soabadanproseassas, daid lassin dievasčoahkkin nammada áirasiid Sámi oahpahusguovddáža stivrii.

Sámedikki ságajođiheaddji Tiina Sanila-Aikio deattuha, ahte jagi nuppi sámedikki dievasčoahkkin lea mearkkašahtti go dievasčoahkkimis leat guokte vuolggahusságastallama.

Tiina Sanila-Aikio
Sámedikki ságajođiheaddji Tiina Sanila-Aikio Govva: Vesa Toppari / Yle

Buot Sámedikkit, Norggas, Ruoŧas ja Suomas gieđahallet Davviriikalaš sámesoahpamuša ja duohtavuohta- ja soabadanproseassa,  go dat váikkuhit buot sámiide dain riikkain. Sanila-Aikio lohká maid ahte lea dehálaš, ahte goappáge ášši ovddidit buori ovttasbarggus buot sámedikkiin.

Dievasčoahkkimis gieđahallet maid jagi 2016 ruhtadoallobaji ruhtadoalloloahpadeami. Dan lassin gieđahallet ovdanbuktimiid 2019 bušeahttaárvalussii, main leat kultuvrra, oahpahusa, árabajásgeassima ja sosiála- ja dearvvašvuođasuorggit. Dievasčoahkkin gieđahallá maiddái evttohusa Sámediggi dieđihanstrategiijan ja evttohusa Sámedikki čoahkkingeavadaga ovddideapmái.

Stivra maiddái nammadii čoahkkimisttis Malla luondduárvubargojovkui sámedikki nuppi várreságadoalli Tuomas Aslak Juuso.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä