Sápmi |

Sámediggi ii doarjjo Deanu bivdogildosa – Suopma vástida Norgii easkka beassážiid maŋŋá

Norga lea evttohan ollásit gieldit Deanu luossabivddu boahtte gease heajos luossanáli dihtii.

Fanas
Deanu fanas lea dábálaš oainnus Deatnogáttis. Dál orru eahpesihkkar, bessetgo šat boahtte gease Deanu ala bivdui. Govva: Ville-Riiko Fofonoff / Yle

Suoma Sámediggi ii doarjjo Deanu luosaid bivdogildosa, man Norga lea evttohan hedjonan luossanáli dihtii.

Sámediggi atná dehálažžan luosaid suodjaleami, muhto dan mielde ráddjehusaid galggašii čujuhit dakkár guolástussii, man eai suddje vuođđoláhka ja riikkaidgaskasaš soahpamušat.

– Sámediggi lea fuolas Deanu luossanáliid hedjonan dilis. Luossanálit leat olles Deanu johkasápmelaš kultuvrra ávnnaslaš vuođđu ja dihto náliid hedjonan dili dihtii luossabivddu ferte ráddjet garrasit boahtte gease, oaivvilda vuosttas várreságadoalli Anni Koivisto Sámedikki dieđáhusas.

Eana- ja vuovdedoalloministara politihkalaš veahkkebargi Teppo Säkkinen muitala Yle Sápmái, ahte Suopma vástida Norgii beassážiid maŋŋá. Vel mannan vahkus ministeriijas lei ulbmil addit vástádusa jo dán vahku áigge.

Guolástanbaji 2021 ráddjehusaid figget oažžut fápmui 1.5. rádjai.

Skádjaseasanbohtosiid mielde Detnui gorgŋo mannan gease gođđat dušše badjelaš 14 000 luosa. Dat lea vuollái bealli jagi 2018 luossamearis, mii datge ii lean nu ráhpa.

Guldal dás lasi radioođđasiid. Jietna: Yle Ođđasat Sámis

Varrasamosat: Sápmi

Váldoođđasat

Varrasamosat

Muualla Yle.fi:ssä