Sápmi |

Sámedikki dán jagi vuosttaš čoahkkin gieđahallá ođđa virggiid vuođđudeami – čoahkkin vállje maiddái ođđa láhkačálli

Čoahkkima lea vejolaš čuovvut njuolggosáttagin streama bokte.

Sámediggi eli saamelaiskäräjät
Govva: Vesa Toppari / Yle

Sámedikki maŋimuš doaibmajagi vuosttaš čoahkkin lea odne disdaga. Čoahkkima áššelisttus leat earret eará sámedikki muitalus stáhtaráđđái jagis 2018, ealáhusčálli, riikkaidgaskasašáššiid čálli ja dieđihančálli virggiid vuođđudeapmi. Dasa lassin dievasčoahkkin vállje ođđa láhkačálli.

Čoahkkin álgá diibmu 10.00 sámekulturguovddáš Sajosa Solju-sáles ja dan lea vejolaš čuovvut njuolggosáttagin dáppe.

Maŋimus doaibmajagi návccat gávcci váldoulbmilii

Juovlamánu gaskamuttus, mannan jagi maŋimus čoahkkimis bođii ovdan, ahte sámediggi bidjá maŋimuš doaibmajagi návccaid gávcci váldoulbmilii. Sámedikki ságajođiheaddji Tiina Sanila-Aikio muitalii dalle, ahte doaibmaplána lea gudneáŋgir. Dán doaibmajagi gávcci váldoulbmila oainnat dáppe.

Sámedikki dán jagi plánaide váikkuha maiddái dat, ahte dat lea ožžon stáhtas doaibmasis 460 000 euro lasáhusa. Dát lea bissovaš lasáhus Sámedikki budjehttii. Lasáhus lea dárkkuhuvvon sihke politihkalaš ja hálddahuslaš bargui.

Varrasamosat: Sápmi

Váldoođđasat

Varrasamosat

Muualla Yle.fi:ssä