Sápmi |

Sámedikki gielladorvočálli sadjásašvuhtii guokte ohcamuša – Siiri Jomppanen báhcimin ealáhahkii

Gielladorvočálli bargui ohcanáigi nogai vuossárgga 11.9. dii 16.00.

Siiri Jomppanen
Sámedikki gielladorvočálli Siiri Jomppanen lea báhcimin ealáhahkii ja Sámediggi ohcá dál sutnje sadjásačča Govva: Vesa Toppari / Yle

Sámedikki gielladorvočálli sadjásašvuhtii leat boahtán guokte ohcamuša. Gielladorvočálli bargui ohcanáigi nogai vuossárgga 11.9. dii 16.00.

Gielladorvočálli sadjásaš válljejuvvo lagamuš vahkuid áigge, muitala Sámedikki hálddahushoavda Pia Ruotsala-Kangasniemi Yle ođđasiidda.

Gielladorvočálli doaibmá gielladoaimmahaga hoavdan ja giellaráđi áššemeannudeaddjin. Lassin bargguide gullet earet eará gohcit ja čuovvut sámi giellalága ollašuvvama, juohkit dieđuid sámi giellalágas ja sámiid gielalaš vuoigatvuođain, rávvet ja oahpistit sámeálbmoga ja virgeoapmahaččaid sámi giellalága heiveheamis.

Vuossárgga muitaleimmet, ahte Sámediggi ohcá dál álggos sadjásačča jagi lohppii. Maŋŋelis virgi rahppojuvvo fásta, go Siiri Jomppanen báhcá ealáhahkii.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä