Sápmi |

Sámedikki ođđa virggiide čieža ohcci

Sámedikki stivra gieđahallá dieđihančálli, ealáhusčálli ja riikkaidgaskasaščálli válljemiid jo dán vahkkus.

Saamelaiskäräjien täysistunto 24.9.2018.
Govva: Ville Fofonoff / Yle

Sámedikki ođđa virggiide bohte mearreáigái oktiibuot čieža ohcamuša.

Dieđihančálli virgái bođii dušše okta ohcamuš. Virgái lea ohcan Johanna Alatorvinen, guhte lea fuolahan Sámedikki dieđihančálli mearreáigásaš virggi giđa 2018 rájes.

Ealáhusčálli virgái fas leat ohcan Sarita Kämäräinen, Anneli Kuhmonen ja Minka Labba. Ohcciin Kämäräinen leamašan dán rádjái ealáhusčálli mearreáigásaš doaimmas ja dikšu barggu njukčamánu lohppii.

Riikkaidgaskasaščálli virgáiges leat ohcan Inka-Saara Arttijeff, Tiina Lovisa Solbär ja Minka Labba. Ohcciin Arttijeff bargá dálá dilis Sámedikki ságádoalli Tiina Sanila-Aikio veahkkin. Solbär fas dikšu Sámedikki birasčálli virgesadjásašvuođa.

Sámedikki stivra gieđahallá válljemiid jo dán vahkku čoahkkimisttis 28.–29. njukčamánu.

Sámedikki dievasčoahkkin mearridii maŋemuš čoahkkimisttis 19. guovvamánu vuođđudit golbma ođđa virggi. Dieđihančálli, ealáhusčálli ja riikkaidgaskasaš áššiid čálli virggiid ulbmilin lea nannet dieđiheami, riikkaidgaskasaš doaimma ja ealáhusaide guoski áššiid.

Varrasamosat: Sápmi

Váldoođđasat

Varrasamosat

Muualla Yle.fi:ssä