Sápmi |

Sámedikki ságadoalli veahkkin Laura Olsén-Ljetoff – Magga ráđđeaddin Árktalaš Ráđi Eamiálbmotčállingoddái

Sámedikki ságadoalli Tuomas Aslak Juuso veahkkin lea nammaduvvon Laura Olsén-Ljetoff. Árat barggu lea bargan Rosa-Máren Magga.

Laura Olsén-Ljetoff
Laura Olsén-Ljetoff lea maid árat bargan sámedikkis. Govva: Johanna Alatorvinen / Sámediggi

Sámedikki ságadoalli Tuomas Aslak Juuso veahkkin lea nammaduvvon Laura Olsén-Ljetoff. Son lea bargan borgemánu 10. beaivve rájes ja doaibmá barggus válgabáji 2020-2023.

Olsén-Ljetoff bargá Anáris Sajosis ja su bargguide gullá veahkehit ságadoalli sutnje oaivvilduvvon bargguin. Son lea bargan Sámedikkis maiddái árabut. Jagis 2016 Nuoraidráđi Oahppoofelaš-fidnus ja jagis 2019 riikkaidgaskasaš áššiid čálli virgesadjásažžan.

Daid lassin Olsén-Ljetoff lea bargan maid earret eará Nuortalaškulturvuođđudusa fidnus, mii gieđahallá nuortalaččaid guollebivdui laktáseaddji árbedieđu ja Lappi Universitehta Árktalaš guovddážis dutkin iešguđetlágan sámiid vuoigatvuođaide ja servodatlaš sajádahkii laktáseaddji dutkanfitnuid olis.

Rosa-Máren Magga ráđđeaddin Árktalaš Ráđi Eamiálbmotčállingoddái

Ságádoalli veahkkin cuoŋománu rájes lea bargan Rosa-Máren Magga. Borgemánu álggus Magga guđii barggus ságadoalli veahkkin ja sirdásii ođđa bargui ráđđeaddin Árktalaš Ráđi Eamiálbmotčállingoddái. Sámedikkis lei dieđus Magga bargoohcanproseassa Árktalaš ráđđái jo ovdal, go son álggahii barggus ságadoalli veahkkin.

Varrasamosat: Sápmi

Váldoođđasat

Varrasamosat

Muualla Yle.fi:ssä