Sápmi |

Sámedikki stipeanddat guđa allaskuvlastudentii

Sámediggi jugii 500 euro stipeanddaid earet eará sámegiela- ja -kultuvrra lohkkiide ja stáhtadiehtaga ja sosiálabarggu studeanttaide.

Outi Pieski dáiddaduodji Solju-čoahkkinlanjas Sajosis
Govva: Sámediggi

Sáárá Seipiharju, Janne Hirvasvuopio, Tytti Kyrö, Suvi-Tuuli Veijola, Mira Rauhala ja Máren-Elle Länsman ožžot dán jagi Sámedikki allaskuvlastudeanttaid stipeanddaid.

Sámediggi almmuhii guovvamánu 9. beaivve ohcanláhkai oktiibuot guhtta 500 euro stipeandda. Stipeanddat leat dárkkuhuvvon sámegiela ja sámekultuvrra oaiveávnnas- ja oalgeávnnasstudeanttaide, ja oahppiide, geat leat alitdási oahpuin, mat válbmejit sámegielat bargoeallimii.

Oulu universitehta oahppiide mieđihuvvojedje oktiibuot njeallje stipeandda. Sáárá Seipiharju lohká Oulu universitehtas anárašgiela oaiveávnnasin, oalgeávnnasin sámiid kultuvrra ja pedagogihka. Suvi-Tuuli Veijola lohká Oulu universitehtas oaiveávnnasin sámiid kultuvrra. Mira Rauhala lohká Oulu universitehtas buvttadanekonomiija ja davvisámegiela. Máren-Elle Länsman lohká Oulu universitehtas oaiveávnnasin sámiid kultuvrra ja oalgeávnnasin psykologiija ja sosiologiija.

Janne Hirvasvuopio lohká Helssega universitehtas oaiveávnnasin stáhtaoahpu, oalgeávnnasin davvisámegiela.

Tytti Kyrö lohká Lappi universitehtas oaiveávnnasin sosiálabarggu ja lea čađahan Sámi oahpahusguovddážis anárašgiela- ja kultuvralinjjá.

Skuvlen- ja oahppamateriálalávdegoddi mearridii stipeanddaid juohkimis 25.11. čoahkkimis. Sámedikki mielde stipeanddaid oažžut leat menestuvvan oahpuin ja sii viiddidit sápmelaš máhtu sierra oahppasurggiin. Stipeanddaid juohkimis leat maid váldán vuhtii sámegielaid ovttaveardásašvuohta.

Varrasamosat: Sápmi

Váldoođđasat

Varrasamosat

Muualla Yle.fi:ssä