Sápmi |

Sámedikki stivra dohkkehii válggain dahkkon váidagiid – Gáibidit ođđa sámediggeválggaid

Sámedikki stivra lea otne čoahkkimisttis dohkkehan sámediggeválggain dáhkkon vihtta váidaga ja mearridan ordnet ođđa válggaid, stivra dieđiha neahttasiidduinis.

Sámediggeválggat 2015
Govva: Vesa Toppari / Yle

Sámedikki stivra lea otne gaskavahku čoahkkimisttis dohkkehan sámediggeválggain dáhkkon vihtta váidaga ja mearridan ordnet ođđa válggaid. Váidagiid ággan ledje 93 ođđa sámediggeválggaid jienasteaddji, geaid alimus hálddahusriekti dohkkehii sámedikki jienastuslohkui sámedikki dáhtu vuostá.

Sámedikki stivra oaidná, ahte ođđa jienasteaddjit váikkuhedje válggaid bohtosii.

– Sámedikki stivra mielas lea čielggas, ahte sámedikki jagi 2015 válgalogahallamii ohcciid dohkkehan alimus hálddahusrievtti mearrádusat leat dahkkon nu olu, ahte daid olbmuid jienat sihkkarit váikkuhedje válgabohtosii, sámedikki stivra dieđiha siidduinis.

Sámedikki stivra mielas válgabohtosa ii sáhte njulget.

– Danin sámedikki stivra mearrida jagi 2015 válggaid doaimmahuvvot ođđasit, 20.8.2015 lága fámu ožžon válgalogahallamiin, sámedikki stivrras dadjet.

Olles mearrádusa sáhtát lohkat suomagillii dás. Stivrra mearrádusas sáhttá váidit 14 beaivvi siste.

Varrasamosat: Sápmi

Váldoođđasat

Varrasamosat

Muualla Yle.fi:ssä