Sápmi |

Sámedikki stivra galleda bearjadaga Gáregasnjárggas – ságastallandilálašvuođat loahppajagi maiddái gávpogiin ja Čeavetjávrris

Sámedikki ságadoalli Tiina Sanila-Aikio sávvá buohkaid buresboahtin dilálašvuhtii.

Sámedikki ságastallandilálašvuohta Anáris 4.12.2018.
Govva Sámedikki stivrra ságastallandilálašvuođas Anáris 4.12.2018. Govva: Anneli Lappalainen / Yle

Sámedikki stivra ordne ságastallandilálašvuođa otne bearjadaga Hotel Hansabaris Gáregasnjárggas diibmu 17–19.

Dilálašvuođa dárkkuhussan lea deaivvadit guovllu sámiiguin ja ságastallat áigeguovdilis áššiin, muitala Sámedikki ságajođiheaddji Tiina Sanila-Aikio.

– Háliidit stivrrain joatkit vel ságastallandilálašvuođaid lágideami ná loahppa doaibmabaji áigge. Ságastallandilálašvuođat leat vuogas dilálašvuohta beassat ságastallat ja lonuhit jurdagiid Sámedikki ja erenomážit stivrra barggu birra iešguđege guovllu sámiiguin.

– Dilálašvuođain lea maiddái buorre vejolašvuohta addit rávvagiid ja doaivagiid boahttevaš Sámediggái.

Sanila-Aikio sávvá buohkaid áššis beroštuvvan olbmuid buresboahtin dilálašvuhtii.

Ságastallandilálašvuođat leat velá skábmamánu 12. beaivvi Oulus, 13. beaivvi Roavvenjárggas ja juovlamánu vuosttaš beaivvi Čeavetjávrris.

Varrasamosat: Sápmi

Váldoođđasat

Varrasamosat

Muualla Yle.fi:ssä