Sápmi |

Sámedikki stivra gieđahallá AVI mearrádusa leat juogekeahttá Neakkela bálgosa

Maiddái sámedikki stivra boahtá gieđahallat AVI mearrádusa leat juogekeahttá Neakkela bálgosis. AVI dagai mearrádusa njukčamánu loahpas, vaikke bálggus lei mearridan, ahte dat hálida juohkkášuvvat guovtti lahkái.

Heikki Paltto
Govva: Pirita Näkkäläjärvi / Yle

Sámedikki vuosttas várreságadoalli Heikki Paltto muitala, ahte sámedikki stivra boahtá maid gieđahallat AVI mearrádusa leat juogekeahttá Neakkela bálgosis.

Paltto ieš ii dohkket AVI mearrádusa.

– Mu mielas diet mearrádus lea áibbas boastut dahkkon. Dat eai leat guldalan rivttes láhkai daid sámi beale olbmuid, geat leat dien bálgosis. Dat lea boastut mu mielas, Paltto dadjá.

Maid don ávžžuhat Neakkela bálgosa dán dilis dahkat?

– Diedusge mun in leat mihkkege ávžžuheaddji, muhto ferten lohkat gal, ahte fertejit duođas dál geahččalit ja veahki váldit dasa vai bastet ovddidit dán ášši, ahte bastet doallat dan sámi boazodoalu iežas bealdi nu mo sámi boazodoallu galgá leat.

Varrasamosat: Sápmi

Váldoođđasat

Varrasamosat

Muualla Yle.fi:ssä