Sápmi |

Sámegielat nuoraid diehto- ja rávvensiidu lea rahpasan

Siidduid sisdoallu lea dárkkuhuvvon earenomážit sámenuoraide.

Saamenkielinen nuorten tieto- ja neuvontasivusto
Siiddut fállet dieđuid ja rávvema nuoraid eallimii laktáseaddji gažaldagain ja diliin Govva: Saamelaiskäräjät

Sámedikki Nuoraidráđđi lea buvttadan golmma sámegillii ja suomagillii nuoraid diehto- ja rávvenneahtasiidduid. Neahttasiidduid rahpet gaskavahkku giellavahkku gudnin.

– Min siidduin gávnnat dieđu earret eará nuoraidráđis ja dan doaimmas, sámenuoraid diehto- ja rávvenbálvalusaid ja videobolggaid. Maŋŋá beasat maid čálášit ságastanforumii, muitala nuoraidráđi ságadoalli Risten Mustonen.

Siidduin leat dieđut buohkaide earret eará Dihtosis-diehtopakeahta hámis muhto siidduid sisdoallu lea dárkkuhuvvon earenomážit sámenuoraide.

– Háliidit, ahte dát siiddut leat buot sámenuoraid várás, gos ihkinassii sii ássetge. Sávvat sámenuoraid leat bures boahtin oassálastit maiddái sisdoallobuvttadeapmái teavsttaid, govaid ja videoid bokte, lohká Mustonen.

Diehto- ja rávvenbargu lea eastadeaddji nuoraidbargu, mas fállet dieđuid ja rávvema nuoraid eallimii laktáseaddji gažaldagain ja diliin. Bargovugiin dorjojuvvo nuoraid šaddan, soajáiluvvan ja buresveadjin ja dat vuođđuduvvet nuoraid dieđu ja doarjaga dárbbuide.

Siiddut leat oassi DigiÁrran-fidnus mii lea nuoraidráđi ja Guovlohálddahusdoaimmahaga ovttasbargu Dál rahpasan siidduid oassin leat maiddái nuoraidráđi ođasmuvvan siiddut. Siidduin beassá earret eará čuovvut dan makkár doaimmat nuoraidráđis leat dál ja boahttevuođas.

Varrasamosat: Sápmi

Váldoođđasat

Varrasamosat

Muualla Yle.fi:ssä