Sápmi |

Sámesoahpamuša gieđahallan lea álgán

Davviriikalaš sámesoahpamuš ságastahttá Sámedikki dievasčoahkkimis. Sámedikki ságadoalli Tiina Sanila-Aikio muitalii ovdal čoahkkima, mo áššit ovdánit sámesoahpamuša dáfus.

Tiina Sanila-Aikio
Tiina Sanila-Aikio Govva: Vesa Toppari / Yle

Sámedikki ságadoalli Tiina Sanila-Aikio muitalii ovdal sámedikki dievasčoahkkima álggu, mii dievasčoahkkimis dáhpáhuvvá odne davviriikkalaš sámesoahpamuša oasil.

– Vuosttažettiin mii váldit diehtun daid buot giellaveršuvnnaid, mat leat dál boahtán mannan dievasčoahkkima maŋŋá. Dasto mis lea Johanna Suurpää riekteministeriijas, gii lei maiddái Suoma sáttagotti ságajođiheaddji ja maiddái jođihii daid maŋimuš ráđđádallamiid. Son lea bovdejuvvon áššedovdin čoahkkimii ja son boahtá muitalit dan soahpamuša sisdoalus.

– Dasto mis lea sáttaságastallan vai sámedikki lahtut besset ságastallat dan áššis. Ja dasto mii joatkit dan proseassa geasi ja čavčča áigge. Nu ahte dievasčoahkkin dán áigge plána mielde mearrida dohkkehago vai hilgugo dán soahpamuša juovlamánu čoahkkimis.

Sanila-Aikio oaivvilda, ahte ášši gieđahallan álggii dál, ja maiddái sámediggi lávdegottit ja ráđit bohtet gieđahallat ášši čavčča áigge.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä