Sápmi |

Sámi dáiddár oaččui árvvusadnojuvvon bálkkašumi Suoma stáhtas

Inger-Mari Aikio válddii odne vuostá mánáidkultuvrra stáhtabálkkašumi Helssegis. Bálkkašumi geigii sutnje oahpahus- ja kulturministtar Sanni Grahn-Laasonen. Ruhtabálkkašupmi lea 15 000 euro sturrosaš.

Inger-Mari Aikio ja Sanni Grahn-Laasonen
Inger-Mari Aikio vieččai bálkkašumi, dan sutnje geigii ministtar Sanni Grahn-Laasonen Govva: Vesa Toppari / Yle

Bearjadat 20.11.2015 lea riikkaidgaskasaš máná vuoigatvuođaid beaivi. Dat lea mearkkašanveara beaivi maid sutnje. Dáiddár Inger-Mari Aikio fidne mánáidkultuvrra stáhtabálkkašumi dan barggu ovddas maid son lea dahkan sámemánáid buorriin.

Dagut leat buorrin ággan

– Inger-Mari Aikio bargu mánáidkultuvrras lea dehalaš sámegielat mánáide giela ja identitehta dáfus, muhto dat lea dehalaš maiddái mániáde, geat bohtet eará kultuvrrain, ákkastallá Dáidaga ovddidanguovddáš TAIKE bálkkašumi juolludeami justa Inger-Marii.

Inger-Mari Aikio lea dahkan guokte mániádgirjji, guhtta diktagirjji ja golbma mánáid CD-skearru, main varrasapmosis mánát ieža lávlot. Son lea dahkan ja buvttadan maiddái mánáidealligovaid ja mánáidprográmmaid.

Mánáidkultuvrra stáhtabálkkašumi 2015 fidnii maiddái Sairaalaklovnit ry -searvi mii guoimmuha buohcciid mánáid- ja nuoiradbuohcceviesus Helssegis

Sámedáiddáriin mániádkultuvrra stáhtabálkkašumi lea fidnen govvadáiddár Merja Aletta Ranttila jagis 1993.

Varrasamosat: Sápmi

Váldoođđasat

Varrasamosat

Muualla Yle.fi:ssä