Sápmi |

Sámi Duodji -searvi válljii ođđa stivrra – vahkuloahpas searvi lágida duodjemárkaniid

Ođđa ságadoalli válljejuvvo maŋŋelappos.

Rissojuvvon silkkit.
Duodjemárkaniin vuvdet sihke ođđa ja adnon gálvvuid. Arkiivagovva rissojuvvon silkkiin. Govva: Ville Fofonoff / Yle

Sámi Duodji -searvi lea válljen ođđa stivrra doaibmabadjái 2020.

Gaskavahku dollojuvvon čoahkkimis ođđa stivrii válljejuvvojedje Sami Laiti, Kati Ljetoff, Marja Näkkäläjärvi-Jomppanen, Anja Kaarret ja Marjaana Aikio. Várrelahtut leat Elen Anne Sara, Elle Valkeapää, Essi Kesti, Neeta Jääskö ja Ilmari Laiti.

Ođđa stivra čoahkkana maŋŋelappos ortniiduvvančoahkkimii, mas válljejit earret eará ođđa ságadoalli. Ságadoallin lea jagi 2018 álggu rájes doaibman Neeta Jääskö.

Duodjemárkanat vahkuloahpas

Sámi Duodji -searvi lágida vahkuloahpas ovttas sámekulturguovddáš Sajosiin duodjemárkaniid ja adnon gálvvuid gávppi Anáris.

Vuovdit čoahkkanit Sajosa váldofeaskárii bearjadaga 1.11. diibmu 13–17 ja lávvardaga 2.11. diibmu 10–18.

Varrasamosat: Sápmi

Váldoođđasat

Varrasamosat

Muualla Yle.fi:ssä