Sápmi |

Sámi filbma Njuokčamat čájehuvvo HollyShorts-filbmafestiválas Los Angelesas

Festiválas sáhttá kvalifiseret Oscar-gilvvu nominašuvdnii. 

Marja Bål Nango
Filbmadahkki Marja Bål Nango lea eret Ivgobađas, Romssas. Son lea gazzan filbmaoahpu Nordlándda dáidda- ja filbmafágaskuvllas Lofotain. Govva: Johan Mathis Gaup / preassagovva

Marja ja Ingir Bål Nango giehtačállin ja Marja Bål Nango bagadallan sámi oanehisfilbma Njuokčamat čájehuvvo HollyShorts-filbmafestiválas 2020 Los Angelesas, muitala NRK Sápmi.

Festiválas sáhttá kvalifiseret Oscar-gilvvu nominašuvdnii. Festivála lágiduvvo 9.–15.11.2020.

Oanehisfilbma muitala nissonolbmos, guhte vásiha veagalváldima duoddaris bohccuid guođohettiin.

Filbma lea ožžon riikkaidgaskasaččat olu fuopmášumi: dat lea čájehuvvon máŋggain filbmafestiválain ja leamaš evttohassan máŋgga bálkkašupmái.

Borgemánus Marja Bål Nango vuittii filmmain buoremus bagadalli bálkkašumi Rhode Island International Film -festiválas, mas maiddái sáhttá kvalifiseret Oscar-gilvvu nominašuvdnii. Geassit filbma oaččui buoremus riikkaidgaskasaš oanehisfilmma bálkkašumi Palm Springs -filbmafestiválas.

Varrasamosat: Sápmi

Váldoođđasat

Varrasamosat

Muualla Yle.fi:ssä