Sápmi |

Sámi giellagáldu stivrra jođihišgoahtá Ole Henrik Magga – nubbinjođiheaddjin Tauno Ljetoff ja Sig-Britt Persson

Sámi Giellagáldu lea válljen ođđa stivrra áigodahkii 2020–2023.

Ole Henrik Magga Hetan Vuollikassa
Ole Henrik Magga lea Sámi Giellagáldu ođđa jođiheaddji. Govva: Linnea Rasmus / Yle

Sámi Giellagáldu ođđa stivra lea dál nammaduvvon. Stivra lea válljen jođiheaddji ja nubbinjođiheddjiid.

Stivrra jođihišgoahtá Ole Henrik Magga ja nubbinjođiheaddjit leaba Tauno Ljetoff ja Sig-Britt Persson. Sámi Giellagáldu stivra lea válljejuvvon njealji jahkái áigodahkii 2020–2023. Stivrra jođiheaddji ja nubbinjođiheddjiid doaibmanáigodat lea beannot jagi, man maŋŋá válljejuvvojit ođđa jođiheaddji ja nubbinjođiheaddjit.

Ođđa stivrra lahtut leat Ole Henrik Magga (várrelahttu Raimo Valle), Tauno Ljetoff (várrelahttu Neeta Jääskö), Sig-Britt Persson (várrelahttu Karin Rensberg Ripa), Mikael Svonni (várrelahttu Per-Eric Kuoljok), Magreta Sara (várrelahttu Klemetti Näkkäläjärvi) ja Ann-Mari Thomassen (várrelahttu Maja-Lisa Kappfjell).

Sámi Giellagáldu lea Suoma, Norgga ja Ruoŧa sámedikkiid oktasaš davviriikalaš fágaorgána sámi giellaáššiin. Sámi Giellagáldu ulbmilin lea suodjalit, gáhttet ja ovddidit kulturárbbi nugo sámi čállingielaid ja hállangielaid. Norgga Sámedikkis lea ovddasvástádus hálddašit geavatlaččat Sámi Giellagáldu doaimma.

Sámi Giellagáldu jođiha stivra, mas leat ovddasteaddjit seamma olu golmma sámedikkis.

Varrasamosat: Sápmi

Váldoođđasat

Varrasamosat

Muualla Yle.fi:ssä