Koe uusi yle.fi
Sápmi |

Sámi girkobeaivvit álget Árviesjávrries – "Somás mátki sihkkarit šaddá"

Sámi girkobeaivvit lágiduvvojit Árviesjávrries, Ruoŧa Sámis 16.-18.6. Yle Sámi neahttasiidduid ja sosiála media bokte beassá mielde dovdduide.

Sámi girkobeaivvit
Sámi girkobeaivvit Govva: Samiska kyrkodagarna

Girkobeaivvit álget bearjadaga diibmu 13.00 (Ruoŧa áigge) ekumenalaš ipmilbálvalusain.

Prográmma joatkašuvvá earret eará panelaságastallamiin duohtavuođakomišuvnna birra. Ságastallamis leat mielde ovdamearkka dihte Ruoŧa kulturminister Alice Bah Kuhnke, Suoma Sámedikki nubbi várreságadoalli Tuomas Aslak Juuso ja Norgga Sámediggepolitihkkár Aili Keskitalo.

Lávvordat álgá ortodoksalaš ipmilbálvalusain Árviesjávrrie girkus. Prográmmas leat maid earret eará panelaságastallan juoigama ja ipmilbálvaluseallima birra, filbmačájáhusat, logaldallamat sámi girkodáidaga birra ja bargobájit.

ingir länsman
Ingir Länsman Govva: Yle Sápmi

Ruoŧa Sámeradio & SVT Sápmi ja Yle Sápmi sáddejit ovttas girkobeivviin. Ságastallamiid lea vejolaš geahččat neahta bokte streamis. Sáddagiin čiekŋudit duohtavuođa- ja soabadanproseassaide, luođi sajis girkoeallimis ja mo geavvá sámiid eallimii boahtteáiggis, go biras rievdá.

Liŋka streamsáddagiidda boahtá maŋŋeleappos.

Dasa lassin Yle Sámi sosiála medias beassat girkobeivviid dovdduide. Instagramis ja Snapchatis min gávdná namain ylesapmi  ja mii geavahit fáddágilkoriid #yledál ja #sámigirkobeaivvit .

Olles prográmma gávdno dáppe.

Anáris stuorra joavkkuin mátkái

Girkobeaivvit geasuhit sámiid. Gaskavahku vulge stuorra joavkkuin Anáris gitta Árvidsjávrái.

Njuorggánlaš Inger Länsman lei ilus, go beasai linnjábiilii, iige ieš dárbbaš go návddašit.

Nils-Juhan Sara
Nils-Juhan Sara Govva: Yle Sápmi

– Somás mátki sihkkarit šaddá, dál de beassá beare čohkohallat ja návddašit. Earát vudjet, earát gohkkejit min mátkki, logai Länsman.

Dát lea vuosttaš geardde sutnje girkobeivviin.

Maiddái lismálaš Nils-Juhan Sara lei vuolgimin reisui.

– Suohttasa dihte dohko ferte reiset, son logai mojunjálmmiiin.

Sihke Sara ja Länsman vuordiba buot eanemusat dan, go beassá oaidnit eará guovlluid sápmelaččaid.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä