Sápmi |

Sámi hálbbimus vearroproseanta lea boahtte jagi Anáris, divrasamos Eanodagas

Anáris lea boahtte jagi olles Lappi eanangotti unnimus dienasvearroproseantta, 19 proseantta.

Inarin kunnantalo
Anára gielda dagai diibmá buorre ruhtadoalu, badjelbáza lei sullii 1 653 000 euro. Govva: Vesa Toppari / Yle

Sámeguovllu gielddaid dienasvearroproseanttain leat moatte proseantaceahki erohusat maiddái boahtte jagi. Buot sámegielddat leat dál mearridan boahttevaš vearroproseanttain, go Ohcejoga váldostivrage gearggai iežas mearrádusainis vuossárgga veaigin.

Anára gieldda buorre ekonomalaš dilli oidno maid dienasvearu sturrodagas. Anáris lea boahtte jagi olles Lappi eanangotti unnimus vearroproseantta, 19 proseantta.

Eanodaga gielda lea mearridan bisuhit boahtte jagi dienasvearroproseantta ovddežis, 21,25 proseanttas.

Ohcejoga gielda lea gullan kriisagielddaide, muhto dál burssas lea badjel 700 000 euro vuoitu. Dan dihte gielda lea mearridan bisuhit dienasvearroproseantta 21 proseanttas.

Olles Lappi eanangotti stuorámus bajádusa dahká Soađegili gielda. Gieldda ruhtadili jáhkket boahtte jagi leat olles golbma miljon euro buollaša bealde. Dan dihte vearroproseanta divruduvvo boahtte jahkái ovttain proseantacehkiin, 21 prosentii.

Lappi eanangotti stuorámus vearroproseanta boahtte jahkái lea Pelkosenniemi gielddas Nuorta-Lappis. Doppe vearroproseanta lea olles 22,25.

Varrasamosat: Sápmi

Váldoođđasat

Varrasamosat

Muualla Yle.fi:ssä