Sápmi |

Sámi hearggit birgejedje vuosttas heargecup-oassegilvvus – Geahča bohtosiid dás

Suoma heargecup 2020 álggii mannán vahkuloahppa Roavvenjárggas. Báhkka luohká falimus hearggit bohte Sámis.

Severi
Mika, Saana ja Eero Länsman sihke Severi-heargi vuoittu maŋŋá Roavvenjárggas. Govva: Priváhta

Suoma heargecup álggii fas mannán vahkuloahpa. Vuosttas oassegilvu ordnejuvvui Roavvenjárggas. Heargecupas leat oktiibuot vihta oassegilvvu, main eanemus čuoggáid čoaggan hearggit besset gilvalit gonagasvuođas Anáris njukčamánu 28.-29. beaivve.

Roavvenjárgga oassegilvvu báhkka luohká vuittii Saana Länsman oamastan Severi. Nubbin ja goalmmádin šadde ovddeš heargegonagasat Annin Suivakko ja Tulimus. Báhkka luohkái oassálaste oktiibuot 53 hearggi. Gávcci dain šadde hilgut.

Severi ruohtai vuosttas vuolggas áiggi 1:15,935. Herggiin ledje oktiibuot golbma vuolgga, maid áiggiid vuođul rehkenaste loahpalaš áiggi.

Saana Länsmana áhčči ja heargevuoddji Mika Länsman lea movtta go faskii nu buorre áiggi.

– Dat lei mu hearggi olahus, dat ii leat goassige ruohttan nu fárta, muitala Länsman ja lohká, ahte dat leat buorre álgu dán giđa gilvobadjái.

Dá leat guhtta buoremusat birgen hearggi.

BohtosatHeargiOamasteaddjiBálggusVuoddjiLoahpalaš áigi
1.SeveriSaana LänsmanGálddoaiviMika Länsman

1:18.391

2Annin SuivakkoJuha Vuolab, Anni PortimoBáišduottarMarko Tervaniemi

1:18.934

3.TulimusRauni NäkkäläjärviSállevárriSeija Matero

1:19.274

4. SalmaJoona LänsmanGálddoaiviMarko Kilpivaara

1:19.327

5.IsopoiLaitila, KuukasjärviSattasniemiHanna Mikkola

1:19.716

6. PotkuriAslak Satokangas, Paulus AikioSállevárriEero Päkkilä

1:21.645

Rabas luohká falimusain dušše okta sámeheargi

Rabas luohká vuittii Matti Konttaniemi oamastan Täplä. Rabas luohkás gilvaledje oktiibuot 119 hearggi.

Dá leat rabas luohká guhtta falimus hearggi.

BohtosatHeargiOamasteaddjiBálggusVuoddjiLoahpalaš áigi
1.TäpläMatti KonttaniemiPalojärviSeija Matero

1:17.417

2.MessiSaana LänsmanGálddoaiviMika Länsman

1:19.490

3. VikuriSari KuoskuKemin-SompioSari Kuosku

1:21.173

4.EdroHenri SiuruaOijärviSari Kettunen

1:21.214

5.PyryhaippaMikkola, KauppiSattasniemiHanna Mikkola

1:21.774

6. IiskonvalkkoIisko AhvenainenKemin-SompioMarko Kilpivaara

1:21.787

Buot bohtosiid Roavvenjárgga oassegilvvus sáhttá geahččat dáppe. Junior luohká birra sáhtát lohkat dás.

Varrasamosat: Sápmi

Váldoođđasat

Varrasamosat

Muualla Yle.fi:ssä