Sápmi |

Sámi Music Awards -gilvvu jienasteapmi lea álgán – jienas Sámi buoremus musihkkáriid, čálliid ja buvttadeaddjiid!

Bálkkašumit geigejuvvojit guovvamánus Sámi Music Awards -doaluin.

jienas jagi 2019 Sámi stuorámus musihkkanásttiid
Jienasteapmi NRK Sámi siidduin bistá gitta 24.1.2020 rádjái. Govva: NRK Sápmi

Guđemuš lea Sámi buoremus buvttadeaddji, naba gii lea Sámi buoremus nuorra artista? Dasa sáhtát váldit beali NRK Sámi neahttasiidduin, gos sáhtát dál jienastit iežat mielas buoremus Sámi musihkkanásttiid.

Sámi Music Awards -gilvvu rabas luohká vuoittus gilvalit dán háve Jon Henrik Fjällgren ja Elin Oskal, Solju, Ivan Aleksander Buljo, Tundra Electro ja vel Keiino.

Nuorra artista -gilvvus lea mielde earret eará ohcejohkalaš Hilda Länsman. Teakstačálliid gilvvusges lea mielde gámasmohkkelaš Ailu Valle. Árbevierru-suorggis gilvala earret eará Sámi musihkkaakademiija, mii doaibmá Ohcejogas.

Bálkkašumiid juogadit Sámi Music Week -dáhpáhusa oktavuođas, goas ordnejit Sámi Music Awards -doaluid 8.2.2020.

Dál vuosttas háve álbmot beassá oassálastit vuoitiid válljemiid. Álbmot beassá mearridit beali vuoitis ja duopmárat nuppi beali, čállá NRK Sápmi.

Jienasteapmi bistá 24.1.2020 rádjái.

Varrasamosat: Sápmi

Váldoođđasat

Varrasamosat

Muualla Yle.fi:ssä