Sápmi |

Sámi musihkkaakademiija háliida máŋggagielat neahttasiidduiguin máilmmiviidosaš fuomášumi

Sámi musihkkaakademiija neahttasiiddut doibmet davvisáme-, suoma- ja eaŋgalsgillii.

sámi musihkkaakademiija
Sámemusihka oasis leat vuođđodieđuid sámi árbevirolaš ja modeardna musihkas sihke Sámi musihkkaakademiija konsearttain ja prošeavttain. Govva: Sámi musihkkaakademiija

Sámi musihkkaakademiija lea rahpan neahttasiidduid golmma gillii. Siidduin leat dieđut earet eará musihkkaakademiija oahppiid konsearttain ja prošeavtta dáhpáhusain.

– Lei dieđusge čielggas, ahte siiddut bohtet sáme- ja suomagillii, muhto mii háliidit juohkit dieđu maid máilmmiviidosaččat, muitaleaba prošeaktajođiheaddji Kati Eriksen ja njunuš oahpaheaddji Anna Näkkäläjärvi-Länsman.

Jođiheaddji guoktá oaivvildeaba, ahte erenomážit olgoriikkalaš mátkkošteaddjit háliidit eanet ja eanet alladását, eakti vásáhusaid ja mii dađe buoret dalle go sámemusihka árbevirolaš ja modeardna hámit.

Sámi musihkkaakademiija lea riikkaidgaskasaš Interreg-prošeakta, man ulbmilin lea ovddidit sámemusihka áigáiboahtun. Prošeavttas leat mielde Ohcejoga gielda, Sámi allaskuvla ja Sámi oahpahusguovddáš.

Prošeavtta ruhtadit Interreg Davvi Sápmi, Lappi Lihttu, Sámi allaskuvla, Davvekalohttaráđđi ja Ohcejoga gielda, ja dán vuoro prošeakta joatkašuvvá 30.9.2020 rádjai.

Varrasamosat: Sápmi

Váldoođđasat

Varrasamosat

Muualla Yle.fi:ssä