Sápmi |

Sámi oahpahusguovddáža veahkkerektorin ohce čiežas

Sámi oahpahusguovddáža stivra vállje ođđa veahkkerektora boahtte vahkkus.

Saamelaisalueen koulutuskeskuksen logo ja saamenlippu
Sámi oahpahusguovddáža stivra vállje ođđa veahkkerektora čoahkkimisttis bearjadaga 14.8. Govva: Vesa Toppari / Yle

Sámi oahpahusguovddáža veahkkerektora virgái leat boahtán mearreáigái čieža ohcamuša.

Dušše golmmas ohcciin leat addán lobi almmuhit iežas nama. Sii leat Tiia Kokko, Ruut Kyyrö ja Marikaisa Laiti. Ohcciin guoktásis lea sámegieldáidu.

Sámi oahpahusguovddáža stivra vállje ođđa veahkkerektora čoahkkimisttis bearjadaga 14.8.

Veahkkerektora bargun lea earret eará jođihit oahpahusguovddáža oahpahusdoaimma ja čuovvut oahpaheddjiid oahpahusa ja eará barggu. Veahkkerektor maid čohkke oahpahusjoavkkuid ja válmmaštallá oahppolágádusa bargovuogádaga.

Sámi oahpahusguovddáža veahkkerektorin lea čavčča 2018 rájes bargan Elle-Maaret Näkkäläjärvi.

Varrasamosat: Sápmi

Váldoođđasat

Varrasamosat

Muualla Yle.fi:ssä