Sápmi |

Sámi oahpahusguovddážii ohcet veahkkerektora

Veahkkerektora bargguide gullá earet eará oahpahusguovddáža oahpahusdoaimma jođiheapmi ja oahpaheddjiid oahpahusa ja eará bargguid čuovvun.

Saamelaisalueen koulutuskeskus
Sámi oahpahusguovddáža doaibmabáiki Anáris. Govva: Raimo Torikka / Yle

Sámi oahpahusguovddážii Anárii ohcet veahkkerektora fásta bargogaskavuhtii. Bargu álgá 1.9. dahje soahpamuša mielde.

Veahkkerektora bargun lea earret eará jođihit oahpahusguovddáža oahpahusdoaimma ja čuovvut oahpaheddjiid oahpahusa ja eará barggu. Veahkkerektor maid čohkke oahpahusjoavkkuid ja válmmaštallá oahppolágádusa bargovuogádaga.

Ohccis gáibidit earret eará sámegiela dáiddu, vásáhusa jođiheamis, ovttasbargo-, ráđđádallan-, organiseren- ja gulahallandáidduid ja ámmátsuorggi bargovásáhusa unnimustá vihtta jagi.

Ohcanáigi virgái nohká 31.7. diibmu 14.00. Lassedieđuid barggus ja ohcamis gávnnat dáppe.

Sámi oahpahusguovddáža veahkkerektorin lea čavčča 2018 rájes bargan Elle-Maaret Näkkäläjärvi.

Varrasamosat: Sápmi

Váldoođđasat

Varrasamosat

Muualla Yle.fi:ssä